DILI, STLTIMORLESTE.com – Primeiru Ministru (PM), Kay Rala Xanana Gusmão informa ba Prezidente Republika (PR), Jose Ramos Horta katak, iha Segunda feira sei viajen ba iha Rusia, ba ho ASEAN, aleinde nee Prezidente Republika mos sei viajen ba Kuala Lumpur hodi partisipa konferensia.
Primeiru Ministru (PM), Kay Rala Xanana Gusmão ba jornalista sira iha Palasiu Prezidensial Nicolau Lobato, Bairo Pite, Sesta (12/06/2026) hatete, informa ba Prezidente Republika kona-ba reuniaun jornada orsamentu, aleinde nee Prezidente Republika Sabadu sei viajen ba Kuala Lumpur hodi partisipa iha konferensia, ida nee kapaas tebes, tanba nia sempre foti Timor nia naran iha mundu.
“Prezidente mos dehan katak iha ASEAN ita terseiru lugar, iha pas terseiru lugar, no iha mundu ita 30, 30 mos ita diak ona, tanba mundu nee nasaun barak, neebe hau informa Segunda feira hau ba Rusia, ba Rusia nee ba ho ASEAN, Japaun ho ASEAN Ahau ba seidauk sai membru, Australia ho ASEAN mos hau ba mai hotu, ita seidauk sai membru, foin daudaun mak sai membru ASEAN hau tenke ba duni,” dehan Primeiru Ministru.
Aleinde nee Primeiru Ministru mos informa ba Prezidente Republika katak, Primeiru Ministru mos sei viajen ba Portugal hodi partisipa konferensia iha neeba no hasoru malu ho estudante Timoroan sira neebe estuda hela direitu, tanba Timor presiza duni hadia justisa, laos agora, maibe mediu prazu sei hadia tanba problema boot mak iha lian portugues.
Primeiru Ministru hatete, sei hasoru malu ho estudante neebe estuda direitu, hasoru malu mos ho prokurador jeral nomos supremu tribunal iha Lisboa para fo hatene katak ema sira neebe mai nee atu ajuda, laos atu mai halo akordu bobot depois Juis Timor lee ba la komprende buat ida asina deit.
“Nee duni hau mos informa katak hau sei fila fali ba iha neeba, tanba ida nee importante tebes hadia hotu, hadia tiha ona, tanba uluk nee arbiru deit,” dehan PM Xanana.
(eme)
