DILI, STLTIMORLESTE.com – Eskola Basico Filial (EBF) 12 de Outubro agradese ba Governu liu husi Programa Nasional Dezenvolvimentu Suku (PNDS) bele tulun hodi harii kozinha ka dapur ba tein merenda eskolar nian neebe dignu no standar nasional iha eskola refere.
Daudaun nee ekipa PNDS halo hela konstrusaun dapur ba EBF 12 de Outubro ho medida 6m X 8m, ho total orsamentu US$ 15.000,00. Projetu neebe kaer ho naran konstrusaun refreitoriu no dapur 6m X8m, ho durasaun servisu hahu husi 19/05/2026 too 31/09/2026. Fornesedor ba material sira husi Alenta unispessoal, Lda (fabrikado), Alenta Unipessoal, Lda (non fabrikado), no carpintaria fitun Timor, unip Lda (espesifiko).
Tuir Koordenador Eskola EBF 12 de Outubro, Fernando Bareto katak, kontrusaun ba dapur foun nee agora lao hela, apoiu husi PNDS fo ba eskola ida nee.
Ami senti kontenti tanba bele halo dapur neebe diak liu ida antigu nee. Dapur neebe modernu, tanba eskola ho estudante neebe barak, tanba nee labele too, maibe saida mak governu fo ami no agradese,” dehan nia ba STL iha Tasi-Tolu, Sesta (12/06/2026).
Nia afima, kondisaun dapur antes nee la diak. Neebe agradese tebes ho apoiu husi PNDS nian bele halo fodik kondisaun dapur neebe ho standar nasional nian. Ida nee laos ba deit eskola ida nee, maibe ba eskola hotu iha Dili laran bele hetan hotu.
(dom)
