DILI, STLTIMORLESTE.com – Tribunal Judisial Primeira Instansia Dili (TJPID) halao julgamentu ba krime ofensas integridade fizika simples ho forma violensia domestika, neebe mak komete husi arguida AAP no arguidu MDRHS hanesan sidadaun Bangladesh hasoru lezadu inisial OS.
Iha indisus katak, iha loron 17/01/2026, too tuku 08h30, hafoin diskusaun neebe motivadu husi arguidu nia intensaun atu lori labarik feto sira ho nia, no mosu konflitu verbal entre sira nain rua ho arguidu MDRHS, neebe marka prezensa iha fatin lokal, ho sentensa uza liman loos hodi baku no tuku tebe makaas ofendidu.
Depois nee, arguida AAP uza liman hodi baku lezadu too hetan kanek iha ninia kotuk laran too monu tun ba rai arguida kontinua baku ofendidu.
Konsekuesia husi arguidu nia hahalok, vitima sofre moras iha rejiaun afetadu no kanek iha tilun karuk.
Arguidu sira halo asaun ho deliberada voluntariamente no konsiensia, ho esforsu konjugadu, ho proposta konkretu atu hakanek surgeia no vitima nia saude, tanba nee sira reprezenta no hakarak, maske arguidu sira nia hahalok bandu no kastigu no, tuir lei kriminal nia.
Tanba nee, arguida AAP nuudar autor material no iha forma konsumadu (1) nuudar ofensa ba integridade fizika simples husi artigu 145 Kodigu Penal, neebe tama iha kategoria krime violensia domestika nian ho objetivu husi artigu 35, Lei N 7/2010 07 Julhu.
No arguidu MDRHS nuudar autor material (Artigu 30 (1) CP), no iha forma konsumu ida (1) ofensa ba integridade fizika simples, previstu iha artigu 145 (1) Kodigu Penal.
Hatan ba akuzasaun nee, arguida AAP deklara katak, arguida ho ofendidu dudu portaun deit no arguida la baku ofendidu.
Arguida deklara, arguida dehan ofendidu mak tuku uluk arguida nia alin nia kabun, no arguida la baku lezadu.
Lezadu dehan, iha momentu nee lezadu faan sasan iha Loza Hera, no arguidu sira ba baku lezadu dala rua, tanba nee lezadu fila mai Dili.
Lezadu dehan, arguidu MDRHS mak uza liman no ain dala barak hodi tuku no tebe lezadu dala barak, to monu ba rai.
Hafoin rona tiha deklarasaun sira nee, Tribunal deside tama ba alegasaun Ministeriu Publiku no parte Defeza nia.
Nunee Ministeriu Publiku reprezenta Prokurador estajiariu, Juvencio Amaral deklara, arguidu sira nega faktus neebe mak iha, tanba sira konfesa katak arguidu sira la tebe no la baku ofendidu maibe, dudu deit portaun.
Tanba nee iha alegasaun Ministeriu Publiku husu Tribunal atu absolve arguidu nain rua husi krime neebe mak Ministeriu Publiku imputa arguidu.
No parte Defeza ba arguidu no arguida nia, aseita alegasaun Ministeriu Publiku nia, no husu Tribunal atu absolve arguidu husi krime.
Rona tiha alegasaun, Tribunal adia ba loron seluk hodi rona desizaun.
Iha audensia Julgamentu nee, prezide husi Juiza singular, Fransisca Cabral, Ministeriu Publiku reprezenta Prokurador, Juvencio Amaral no arguidu, arguida hetan hetan asistensia legal hosi Defensor Publiku, Fernando de Carvalho.
(ter)
