ZUMALAI, STLTIMORLESTE.com – Komunidade neebe hela iha Zulo Knua, Suku Zulo, Postu Administrativu Zumalai, Munisípiu Covalima, kestiona eletrisidade kontinua sei mate lakan.
Haktuir komunidade Aldeia Lale ou hanesan lia nain iha Suku Zulo, Marito Barros katak, eletrisidade nee kada loron sempre mate lakan, dala ruma semana ida mate dala haat ka lima, nee difikulta tebes komunidade hirak neebe mak daudaun nee hela iha Zulo Knua, tanba bainhira ahi mate nee too oras 24.
“Eletrisidade tanba saida mak mate lakan too oras 24, ami povu iha area rurais difikulta ami ba iha eletrisidade, estadu tenke hanoin ami povu neebe hela area remotas, tanba ami sosa pulsa eletrisidade, maibe tanba saida ahi kontinua mate lakan hela deit, hodi difikulta ami, tekniku EDTL nian presiza haree asuntu ida nee, se lae mak ami povu kiik sai vítima hela deit, tanba ahi mate lakan nafatin,” dehan Marito ba STL iha Zulo Knua, Segunda nee (15/06/2026).
Marito esplika, atu dehan lo-loos katak eletrisidade nee semana ida dala ruma mate dala tolu ou dala haat, nee ahi mate too oras 24 ou dala ruma han too oras haat ou lima nia laran ahi mate hela deit, nee difikulta tebes povu kiik hirak neebe mak hela iha area remotas, tanba povu kiik sempre sosa pulsa eletrisidade.
“Ami hela iha area remotas sosa pulsa eletrisidade, maibe tanba saida mak ahi mate lakan hela deit, dala ruma udan, ahi mate nee difikulta tebes ami, bainhira ahi mate ami sunu deit lilin, se lae uza lampu neebe ami sosa prepara ona,” nia informa.
Entretantu Rafael Mendonca nuudar joven husi Suku Zulo hatete, ahi nee mate lakan hela deit, maske komunidade sira sosa pulsa, ahi kontinua mate lakan, bainhira ahi mate bele too oras tolu ka haat. “Ahi nee mate lakan hela deit, maske komunidade sira sosa pulsa, ahi kontinua mate.
“Hau hanoin ahi nee mate lakan hela deit, maske komunidade sira sosa pulsa, ahi kontinua mate lakan, bainhira ahi mate bele too oras tolu ka haat. “Ahi nee mate lakan hela deit, maske komunidade sira sosa pulsa, ahi kontinua mate,” katak nia.
(jac)
