DILI, STLTIMORLESTE.com – Prezidente Republika (PR ), Jose Ramos Horta hatoo kondolensia ba falesimentu sua Alteza Real Prinseza Bajrakitiyabha Mahidol.
Iha loron Segunda (15/06/2026) Prezidente Republika Jose Ramos Horta hatoo nia sentidu kondolensia ba Sua Majestade Liurai Maha Vajiralongkorn Phra Vajiraklaochaoyuhua, Família Real, no povu Reinu Tailandia nian ba falesimentu Sua Alteza Real Prinseza Bajrakitiyabha Mahidol.
Iha mensajen ofisial ida neebe diriji ba Sua Majestade Liurai Maha Vajiralongkorn Phra Vajiraklaochaoyuhua, ho data 12 Junu 2026, Prezidente Ramos-Horta elojia Prinseza nia dedikasaun moris tomak ba servisu publiku no nia kompromisu ba moris-diak ema vulneravel sira nian.
Iha karta nee Prezidene Republika Jose Ramos Horta hatoo sentidu kondolensia ba povu Tailandia neebe lakon ona ema diak ida.
“Hau hakarak hatoo ba Sua Majestade, ba família Real no ba povu Reinu Tailandia nian ami-nia sentidu kondolensia no simpatia klean durante tempu lutu ida-nee. Ita sei hanoin hikas Sua Alteza Real nia dedikasaun distintu ba ninia rain no ninia kompromisu ba servisu publiku, partikularmente iha area justisa, direitus umanus, no dezenvolvimentu sosial, inklui ninia serbisu importante sira hodi fo apoiu ba grupu vulneravel sira” dehan PR Horta.
Prezidente Ramos Horta afirma katak, povu Timor Leste hamutuk iha solidariedade ho nasaun Tailandia durante períodu profundu ba falesimentu ida nee.
(eme)
