DILI, STLTIMORLESTE.com – Relasiona ho kazu neebe akontese iha Munisipiu Ermera, katak Membru Polisia Nasional Timor Leste (PNTL) baku joven ida iha Munisipiu Ermera, HABADA husu Komandante Jerál PNTL, Komisariu Asistente Polísia Afonso dos Santos loke prosesu investigasaun ba Membru PNTL neebe baku joven ida iha Munisipiu Ermera nee tuir lei.
Nia dehan, laos HABADA deit mak la menta, maibe NGO sira seluk, liu-liu publiku sira lamenta kuandu apaleru estadu membru PNTL neebe hatudu brutalizmu hodi hasoru sidadaun ou joven iha Munisipiu Ermera, tenke loke prosesu investigasaun ba membru PNTL.
“Ami hanoin asaun ida nee hatudu ba Komandante Jeral PNTL labele nonok, tenke loke prosesu investigasaun, atu nunee bele hatene katak los duni ga lae membru PNTL halo asaun fiziku hasoru sidadaun,” hatete Diretor Executive HABADA, Abel Amaral ba jornalista sira liu husi telefone iha fatin servisu Comoro, Dili, Tersa (16/06/2026).
Nia esplika, asaun fiziku hasoru sidadaun se deit, kuandu PNTL mak sala nee iha prosesu rua, ida mak prosesu disiplinar nomos prosesu investigasaun.
“Tanba nee ita husu ba Komandante Jeral PNTL no Diresaun Investigasaun Kriminal atu loke hela investigasaun atu hatene katak kazu nee akontese duni ga lae, sei akontese tenke prosesu tuir penal no disiplinar,” nia deklara.
Diretor HABADA husu Kamando tenke buka tuir investiga lalais, atu nunee membru PNTL sira seluk neebe iha futuru kuandu ba terenu halo atuasaun tenke hakruk tuir lei, labele tuir sira nia hakarak.
(jen)
