DILI, STLTIMORLESTE.com – Liu husi komunikadu neebe STL asesu iha media F-FDTL nian katak, Xefe Estadu Maior Jeneral FALINTIL-Forsa Defeza Timor Leste (F-FDTL), Tenente Jeneral Domingos Raul “Falur Rata Laek” hamonu matan-been wainhira simu Soudozu Eis Presidente Republika Francisco Guterres “Lu OLo” iha Aeroportu Nikolau Lobato, Komoro, Dili.
Xefe Estadu Maior Jeneral FALINTIL-Forsa Defeza Timor Leste (F-FDTL), Tenente Jeneral Domingos Raul “Falur Rata Laek” hamutuk ho Ofisiais Jenerais F-FDTL, Ofisiais Superiores F-FDTL, Membru Governu, Eis Titular sira, Veteranus, Familia no povu TL simu mate isin Saudozu Eis Prezidente RDTL Franscisco Guterres Lu’Olo iha Aeroportu Internasionál Nicolau Lobato, Komoro Dili, Tersa (23/06/2026) tuku 6:33 OTL.
Ho matan-been povu Timor Leste sente lakon ema diak ida neebe durante nee dedika nia aan tomak ba rai no povu ida nee, hahu iha okupasaun Indonezia too ukun aan, ikus hakotu nia iis iha Hospital Prince Court, Malazia, iha Domingu Kalan.
Hafoin simu iha Aereoportu Nicolau Lobato, kadaver evakua kedas ba iha rezidensia eis Presidente RDTL Franscisco Guterres Lú-Olo nian iha Farol, Dili.
(jen)
