DILI, STLTIMORLESTE.com – Embaixador Timor Leste ba ONU, Dionisio Babo hatete, saudozu eis Prezidente Republika, Francisco Guterrres Lu Olo lider neebe umilde, onestu no kaer metin valores no prinsipiu iha sosiedade nia leet.
Bainhira remata hasoru malu, Embaixador Timor Leste ba ONU, Dionisio Babo hatoo lia hirak nee ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensia Nicolau Lobato, Bairo Pite, Kuarta (24/06/2026) hatete, sente triste lakon aman luta nain ida neebe durante nee fo nia kontribuisaun makaas hodi lori rai nee ba hetan ukun rasik aan.
Embaixador hatete, tuir nia haree saudozu eis Prezidente Republika lider ida neebe umilde, onestu no kaer matin tebes valores no prinsipiu soseidade nian, respeita lei, maske dala barak diferente politika.
“Hau pesoalmente hamutuk ho misaun permanente Timor Leste iha Nova Yorke bainhira hau fila mai too dalan mak rona imformasaun katak ita nia eis prezidente, eis komandante ida iha ita nia Guerileira rejistensia nia iss kotu,” dehan Embaixador.
Iha biban nee Embaixador Timor Leste hatoo sentidu kondelensia profunda ba saudozu Eis Prezidente Republika atual Prezidente Partidu FRETILIN, ba faluk oan kiak nain-4, maibe lamenta tebes ho saudozu ninia mate nee.
“Eis Prezidente Republika Lu Olo, hau lamenta teb-tebes nia pasajen, tanba nee hau hakarak lori pesoal família no misaun permanente TL nian ba ONU hatoo ami nia profunda kondolensia sentidu de pezar ba familia em lutada, hakarak reza nafatin ba matebian nia klamar bele hetan fatin diak iha Nai Maromak nia kandunan Santo iha lalehan,” dehan Embaixador.
Embaixador dehan, eis Prezidente Republika, saudozu Francisco Guterres Lu -Olo nuudar Prezidente Partidu nian no ema ida neebe hadomi tebes rai ida nee.
Tanba nee pesoalmente hamutuk ho misaun permanente Timor-Leste iha Nova Yorke, novidade nee bainhira too iha dalan mak rona informasaun katak eis Prezidente Republika, eis Komandante ida iha gerilia rejistensia nian hakotu iis.
Nia dehan, sente triste no lakon boot tanba Timor lakon ema diak ida hanesan saudozu Francisco Guterres Lu Olo.
“Ita sente triste, ita sente lakon, tanba eis Prezidente Republika Saudozu Francisco Guterres Lu-Olo ema ida neebe fo nia vida tomak ba nasaun ida nee luta tinan 24 iha ai-laran, ema ida depois ukun an serve hanesan líder ida neebe umilde onestu no kaer matin tebtebes valores no prinsipiu ita nia soseidade nian, respeita lei klaru katak ho diferente politika neebe iha maibe nia amostra katak nia ema ida neebe depende tebes timor nia rai no interese ita nian rain,” dehan nia.
Diplomata nee haktuir tan katak, durante nee saudozu maske diferente politika maibe nia amostra no ema neebe defende tebes Timor.
(eme)
