DILI, STLTIMORLESTE.com – Governu liu husi Ministeriu Interior (MI) hamutuk ho nasaun haat mak hanesan Tailándia, Indonézia, Austrália no Bangladesh neebe integra iha Rede Apoiu Rejional (Regional Support Office – RSO) hodi fo formasaun ba membru Polísia Nasional Timor-Leste (PNTL) Kona-ba Prevene no Kombate Krime Transnasional.
Nia dehan, formasaun durante loron rua nee espesifiku liu ba pesoal no instituisaun sira neebe iha kompeténsia iha linha frente tantu iha Fronteira Marítima no Terreste, hodi hasae kapasidade oinsa prevene no kombate krime transnasional, liu-liu konaba people smuggling.
“Ita hotu hatene katak , formasaun ida nee konsidera hanesan pasu importante no esensial tebes ba seguransa iha linha frente, tanba fo oportunidade ba pesoal sira atu aumenta konhesimentu no habilidade iha área kontrolu Fronteira,” hatete Diretor Administrasaun no financas Servisu Migrasaun, Juvinal Castelhos ba jornalista sira iha Sentru Formasun Polísia (SFP) Dili, Segunda (29/06/2026).
Nia dehan, membru sira neebe mak sei fo formasaun mai husi nasaun balu hanesan Tailándia, Indonézia, Austrália no Bangladesh, neebe integra iha Rede Apoiu Rejional (Regional Support Office – RSO).
Nia informa, liu husi formasaun loron rua ida nee, instituisaun relevante sira bele hetan esperiénsia no matenek foun hodi reforsa kontrolu seguransa iha Lina Fronteira no responde diak liu ba ameasa krime transnasional.
Nia esplika, nasaun tolu neebe sai formador prinsipal sira nee mak hili, tanba sira iha esperiénsia no papel importante hanesan membru iha Regional Support Office (RSO).
Entretantu membru neebe tuir formasaun konaba Prevene no Kombate Krime Transnasional nee husi Unidade Polísia Fronteira (UPF) Unidade Espesial Polisia (UEP) Unidade Polísia Marítima (UPM) durante loron rua (2) depois formador sira nee husi nasaun haat mak hanesan, Tailándia, Indonézia, Austrália no Bangladesh neebe integra iha Rede Apoiu Rejional (Regional Support Office – RSO).
(jen)
