DILI, STLTIMORLESTE.com – Tenente Jeneral Reformado, Atual Asesor Prinsipal Prezidente Republika, Lere Anan Timur hatete, funsionariu publiku tenke kumpri nia dever no obrigasaun, nunee servi rai nee ba oin ho diak liu tan.
Tenente Jeneral Reformado, Atual Asesor Prinsipal Prezidente Republika, Lere Anan Timur hatoo kestaun nee liu husi nia diskursu iha Palasiu Prezidensial Nicolau Lobato, Bairo Pite, Segunda (29/06/2026).
Tenente Jeneral Reformado Lere dehan, topiku konaba sidadania uluk iha ai laran mos iha reuniuan sira hanesan nee ho maun Xanana kuandu too ida nee sira idak idak prepara aan atu simu, simu nee tanba saida, simu nee orsida kritika mak tama bolu ema idak idak nia sala, “nee mak ami ba ona reuniaun bolu re-verifikasaun pratika komportamentu, ita tenke haree loron loron se mak haree ezempu iha kaza sivil Prezidensial mak tenke haree loron loron ita nia pratika, ita nia komportamentu nee mak bolu reverifikasaun pratika de komportamentu,” katak Lere.
Jeneral Reformado dehan, dala ruma funsionariu balun servisu la tuir regra neebe iha tama tuir sira nia hakarak deit.
“Ita iha nee dala ruma funsionariu publiku dala ruma livre halo tuir ita nia hakarak, lao tuir ita nia hakarak, buat sira nee hotu nee mak hanesan ohin dehan ami uluk iha ai laran kuandu reuniaun hanesan nee katuas Xanana aperta ami tenke rona tanba ita sala, dala ruma ba tiru malu maibe ba buka fali kombili,” katak nia.
Daudaun nee ema barak iha titulu oin oin balun lisensiadu maibe rezistensia sira uluk luta laiha títulu, Lere dehan nia titulu mak oho dor ema.
“Hau nia titulu mak oho dor ema nee, maibe hau mai fahe esperiensia oituan ba imi neebe ke hau atraveza durante 24 anos, iha nee aileba laiha, karau atan laiha ita hotu hotu funsionariu estadu servidores koalia konaba sidadania ita hotu hatene sidadania nee ita hotu hotu iha ita nia dever nomos iha ita nia obrigasaun, ema militar mak dehan hanesan kumpri segundu reklama, reklama nee direitu kumpri nee dever no obrigasaun mais ita nuudar politiku nee demokrasia mak barak liu,” dehan nia.
Nia hatete, ohin loron demokrasia nee liu limitasaun no abuja liberdade, tanba nee reuniaun sira hanesan nee lo-loos kada departamentu tenke halo reuniaun.
“Tenke iha revizaun pratika de komportamentu kada funsionariu dala ruma ita husik deit tinan ba tinan ita la konhese tan sira nia ema, nee mak baibain ema dehan funsionariu mate klamar mos iha buat sira nee hotu, nee mak ita nuudar funsionariu do estadu ita iha dever nomos obrigasaun, ita iha nee mesak kabe nain iha ida rua mak seidauk kaben, nee ita iha dever nomos obrigasaun, ita iha nee mesak kabe nain iha ida rua mak seidauk kaben ita iha responsabilidade ba estadu nomos iha responsabilidade ba familia, hau uluk komanda forsa hau ofisial dala ruma sira la koalia mais hanesan ohin hau dehan preokupa o nia familia estadu nee labele preokupa barak liu,” dehan nia.
Dala barak ema dehan foti aas liu intrese estadu liu intrese ema idak idak nia, entaun Jeneral Lere dehan nia kontra ona konseitu ida nee maibe tuir nia familia kuandu forte intituisaun forte, tanba nee mak dehan atu serbi nee serbi estadu maibe serbi mos familia ida.
“Ita servidor estadu, primeiru tenke displina no responsablidade, displina hanesan ohin hau nia inan Xefe Kaza Sivil dehan dala ruma balun mai la tuir oras dala ruma balun la mai servisu balun la kumpri didiak nia dever no obrigasaun hein deit fulan bainhira mak simu osan,” dehan nia.
Funsionariu nia dever mak serbi no direitu mak simu salariu, tanba nee tenke serbi ho diak tuir regra neebe iha, tanba rai ida nee harii ho raan no ruin.
Nunee mos Prezidente Komisaun Funsaun Publika, Agostinho Letincio de Deus hatutan, bainhira koalia konaba direitu ida tenke hatudu mos dever ida, labele direitu rua maibe dever ida deit.
“Katak direitu ida iha dever ida mos, se ita boot hakarak simu salariu kada fulan ho kompletu ita boot nia dever mak tama servisu mos ho kompletu, se ita boot nia dever tama la kompletu signifika katak direitu neebe ita boot hetan mos la kompletu,” dehan Prezidente Komisaun Funsaun Publika.
(eme)
