DILI, STLTIMORLESTE.com – Vitamina Sulfa Ferrosus ba inan isin rua nia iha Sentru Saúde Comoro (SSC) stok laiha, tanba aimoruk iha Armazen INFPM stok la sufisiente.
Diretor Servisu Saúde Munisipiu Dili, (SSMD) Mateus Pinto hatete, iha fulan Maiu tinan ida nee aimoruk vitamin ba inan isin rua stok laiha duni, tanba aimoruk neebe distribui nee la too semana ida tenke hotu.
“Nee hau telefone kedas katak iha fulan Maiu momentu ita boot sira ba nee meman laiha duni, mais liu tiha ida nee sira distribui fali, mezmu aimoruk nee distribui landun barak ida, entaun uza la too semana ida hotu tiha,” hatete Diretor Servisu Saúde Munisipiu Dili, (SSMD), Mateus Pinto ba jornalista sira iha salaun Novu Turizmu, Tersa (30/06/2026).
Nia esplika, aimoruk Vitamina Sulfa Ferrosus ba inan isin rua iha Sentru Saúde Comoro inklui Sentru Saúde sira seluk laiha duni, maibe vitamin sira seluk hodi troka Sulfa Ferrosus nee iha .
“Sulfa Ferrosus meman laiha duni, maibe vitamin seluk iha, mais vitamin Sulfa Ferrosus ba inan isin rua laiha, stok aut iha INFPM, hau la hatene stok aut fulan hira ona, tanba hau ladun iha informasaun stok aut fulan hira,” nia informa.
(jen)
