DILI, STLTIMORLESTE.com – Membru Polisia Nasional Timor Leste (PNTL) neebe foin lalais tiru aan nee, PNTL seidauk aprezenta ba Ministeriu Publiku (MP) tanba sei rekolha dadus no informasaun balun neebe presiza aprezenta ba MP.
Portavoz PNTL, Superintendente Xefe Polisia, Joao Belo hatete, kazu neebe membru polísia ida tiru aan nee PNTL rejistu ona ho numeru NUC 0226/2026 PNSIK.
“Agora daudaun nee ami seidauk aprezenta ba MP, tanba ami sei rekolha tan dadus no informasaun balun hodi halo klean liu tan faktus neebe ami aprezenta ba Ministeriu Publiku,” Portavoz PNTL, Superintendente Xefe Polisia, João Belo ba jornalista sira liu husi konferensia imprensia iha Komando Jeral Dili, Tersa (30/06/2026).
Nia esplika, Matebian Ajente Prinsipal Polisia Engracia Purificação neebe oho aan nia kazu sei ba oin no rezultadu autopsia hotu ona iha semana kotuk liu ba, mate isin hakoi ona, maibe PNTL persiza tan informasaun adisional balun hodi aprezenta ba MP.
“Ita labele hatete sai lai, tanba saida mak oho aan, tanba prosesu investigasaun sei lao hela,” nia deklara.
Antes nee Xefe Mortoariu Hospital Nasional Guido Valadares (HNGV), Nilton Tilman koalia, mate isin daudaun nee iha sala mortoariu deside hodi kalan kedas, ohin dadersan seidauk bele autopsia tanba karta pedidu husi Forensik.
“Maibe agora loraik nee hahu Autopsia ona no ita sei entrega kedas ba familia no Institutusaun PNTL,” nia informa.
Nia afirma, matebain hodi kalan iha sala Emerjensia depois lori fali mai iha sala mortoariu atu halo prosesu autopsia, tanba dekonfia oho aan.
(jen)
