DILI, STLTIMORLESTE.com – Prezidente Republika (PR), Jose Ramos Horta hatete, nia hakarak harii Tribunal Supremu no tribunal sei prontu iha fulan novembru tinan ida nee.
Prezidente Republika, Jose Ramos Horta ba jornalista sira iha Palasiu Prezidensial Nicolau Lobato, Bairo Pite, Segunda nee (06/07/2026) hatete, Tribunal Supremu sei hotu iha fulan Novembru tinan ida nee.
Prezidente Republika hatete, Timor Leste iha indepedensia ba tinan 25 ona tuir Prezidente nia haree iha instituisaun estadu balun avansa ona maibe balun seidauk lao diak, maibe setor Justisa maki ha obrigasaun avansa diak liu, tanba setor justisa lamuda ba mai hanesan Governu, maibe Ministru mak muda maibe setor justisa la muda.
“Ita haree tinan 25 nia laran hanesan instituisaun hotu estadu instituisaun balun avansa diak balun ladiak, setor justisa mak iha obrigasaun liu para avansa diak tanba sa? setor justisa la muda hanesan Governu, Governu mak komplikadu liu tanba partidu ida mai muda, partidu seluk mai muda, Ministru muda sekretariu Estadu muda, muda tun sae komplikadu los laiha memoria institusional, maibe tribunal no setor justisa diak tanba laiha mudansa anaunser Ministru Justisa, maibe Ministru Justisa la interven iha serbisu sira kompetensia tribunal sira nia nemak devia avansa liu tan tanba nee hau simu todan nuudar Prezidente hatete tribunal supremu tenke kria buat lao dadaun hela hau fiar ke too fulan novembru tinan ida nee tribunal supremu harii prontu ona. tinan ida nee Tribunal Supremu harii no prontu ona,” dehan PR Horta.
Prezidente Republika hatete, tinan ida nee Tribunal Supremu harii no prontu ona prosesu lao fulan hira nia laran ona lao diak, no komisaun neebe Jurista Avelino Coelho mak kaer no koalia ona ho jurista sira iha Portugal no apoiu makaas ajuda halo rekrutamentu halo juri no formasaun prosesu nee hau hanoin lao diak iha no tarde liu iha fulan novembru halo inagurasaun Tribunal Supremu.
“Signifika tinan 25 liu tiha kompleta indepedensia tribunal Supremu kria ona nee bele reforsa justisa tanba sa kazu neebe monu iha Tribunal primaria instansia, segunda instansia ema hanoin la justu lalos bele halo rekursu ba Tribunal Supremu, supremu bele interven iha kestaun konstitusional ultimu rekursu sei iha difukuldade kualidade juis sira kualidade prokurador, kualidade advogado balun tanba kestaun lingua se o estuda halo estudu lisensiatura, mestradu iha tetun kursu direitu ho tetun nee hau lahatene oinsa mak o konsege halo,” katak PR Horta.
(eme)
