DILI, STLTIMORLESTE.com – Prezidente Republika (PR), Jose Ramos Horta ohin kondekora Kolar Ordem Timor Leste (TL) ba eis Prezidente Republika Indonezia (RI), Ibu Megawati Sukarnoputri, iha Palasiu Prezidensial.
Prezidente Republika, Jose Ramos Horta halo enkontru bilateral ho eis Prezidente Republika Indonezia, hodi hametin lasu amizade rai rua, iha enkontru nee kondekolar Kolar Ordem TL ba Eis Prezidente RI, Ibu Magawati.
Prezidente Jose Ramos Horta fo Grand Collar da Ordem de Timor Leste, kondekorasaun aas liu Estadu Timor Leste nian, ba Megawati Soekarnoputri, ida nee nuudar Onra ida ba rekonhese Ibu Megawati nia kontribuisaun ba prosesu rekonsiliasaun no dezenvolvimentu relasaun diak entre Timor Leste no Indonezia.
Megawati Soekarnoputri mak Prezidente datoluk-lima ba Republika Indonezia no feto potensial dahuluk neebe kaer kargu Prezidente, no ninia vizita mai Timor Leste hametin liu tan lasu amizade no respeitu malu entre povu rai rua.
Prezidente Republika, Jose Ramos Horta hatete, sente onradu tebes simu Ibu Megawati Soekarnoputri, hein atu reafirma nia kompromisu hamutuk ba dame, kooperasaun no futuru prosperu ba povu sira.
Xefe Estadu dehan, vizita ida nee hanesan testemunha ida ba amizade neebe dura no lasu istoriku neebe klean entre Timor Leste no Indonezia.
“Ami sente onradu tebes atu simu Ibu Megawati Soekarnoputri, no ami hein atu reafirma ami nia kompromisu hamutuk ba dame, kooperasaun no futuru prosperu ba ita-nia povu sira,” Dehan PR Horta.
Timor Leste no Indonezia partilha relasaun ida neebe uniku no evolui ho baze iha istoria rekonsiliasaun no kolaborasaun ida neebe orientadu ba futuru.
Dezde Timor Leste nia restaurasaun independensia iha tinan 2002, nasaun rua nee servisu inkansavelmente hodi harii konfiansa, ho interkambiu nivel aas no ligasaun entre pobu neebe sai nuudar baze ba envolvimentu bilateral. Ibu Megawati nia vizita istorika mai Dili ba serimonia restaurasaun independensia kontinua sai sai hanesan símbolu definidor ba transformasaun ida-nee.
Eis Prezidente Republika Indonezia Ibu Megawati Sukarnoputri ho mataben hatete ho fuan laran hatete ho fuan laran hatoo agradese ba estadu no Povu Timor Leste neebe ohin rekoinese ona nia.
“Wainhira simu Grand Colar Orden Timor-Leste nian ohin, permite hau atu hatoo liafuan ida husi fuan obrigado. Hau la simu onra ida nee hanesan istoria ida nia rohan, ka hanesan sinal ida katak ami nia serbisu hotu ona. Hau simu ida nee hanesan inísiu idamandatu ida ba futuru no promesa ida kona ba saida maka ita seidauk realiza,” dehan Eis PR Indonezia.
Nia hatete Grand Collar ida nee laos deit medalla ida. Ida nee maka ligasaun ida iha kadeia ida, ligasaun ida-idak apoia ida tuir mai. Ba nia iha neeba mak sentidu amizade entre Indonezia no Timor-Leste nuudar korrente ida neebe tenke naruk nafatin husi jerasaun ida ba jerasaun seluk, hodi nunka kotu.
“Tanba nee, onra nee laos hau nian deit, no mos laos hau nia jerasaun nian. Ida-nee pertense ba sira neebe ohin loron sei joven maski ba sira neebe seidauk moris. Pertense ba Timor-Leste nia oan sira no Indonezia nia oan sira neebe loron ida sei simu korrente nee hosi ita-nia liman, no tenke hanaruk fali ho sira-nia liman rasik,” katak Eis PR Megawati.
Ba joven sira husi nasaun rua, husik Eis Prezidente RI koalia husi fuan. Mundu neebe sei simu sei la kmaan liu fali kaibe hetan eransa buat ida neebe laiha nia tempu joven, nasaun vizinu rua neebe amigavel neebe hili atu hamriik sorin-sorin nuudar belun hanesan.
“Enkuantu hau iha iis, hau sei kontinua mantein amizade ida-nee. Hau fiar katak liman joven sira-nee sei lori idanee ba oin forte liu, brani liu, no dook liu fali buat neebe ita bele imajina ohin loron. Obrigado, Timor-Leste,” hakotu.
(eme)
