DILI, STLTIMORLESTE.com – Prezidente Republika (PR), Jose Ramos Horta hamutuk ho komunidade Tailandia iha Timor Leste selebra Majestade Liurai Maha Vajiralongkorn nia aniversariu ba dala 74.
Prezidente Ramos Horta hamutuk Embaixador Tailandia ba Timor Leste no komunidade Tailandia halibuar hamutuk iha Kantina Matak Palasiu Prezidensial Prezidensial, Kuarta (08/07/2026) hodi selebra Majestade Liurai Maha Vajiralongkorn nia aniversariu iha loron importante povu Tailandia hamutuk ho Prezidente iha inisiativa kombate malnutrisaun hodi selebra aniversariu liurai Tailandia nian.
Iha biban nee Prezidente Republika Jose Ramos Horta liu husi diskursu hatete ohin ohin hamutuk ho Embaixador Tailandia nno povu Tailandia neebe hela iha Timor hodi selebra anivoersariu liurai Mjestade nia aniversariu maibe laos foin premeiru ves uluk mos hamutuk maibe dala barak hodi selebra liurai nia aniversariu. Liurai Majestade Liurai Maha Vajiralongkorn neebe mak selebra nia aniversariu ba dala 74.
“No ksolok povu Tailandia nian. Komunidade Tailandia hatudu sira amigavel tebes. Ida nee laos inisiativa dahuluk. Ami halo dala barak ona, No Tailandia apoia tebes nia kaer iha dezenvolvimentu komunitariu,” dehan Prezidente Republika.
No Selebrasaun markada ho inisiativa hamutuk ba solidariedade, neebe delegasaun Tailandia fahe hahan meiudia nutritivu, ai han esensial sira, no ekipamentu desportivu ba labarik sira iha Kantina Matak iha programa Prezidensia nian, dapur ba povu.
Xefe Estadu hatoo apresiasaun boot ba jenerozidade komunidade Tailandia nian neebe nafatin kontinua, hodi nota katak sira-nia kontribuisaun nee kompleta duni esforsu sira neebe Prezidensia halao daudaun atu apoia labarik no feto sira neebe vulneravel.
Prezidente enfatiza katak inisiativa sira-nee neebe dala barak hetan apoiu husi parseiru no belun internasional sira, sai nuudar estensaun vital no diak ba programa governametal nian husi seguransa ai-han no protesaun sosial.
Prezidente hanoin fila-fali amizade neebe dura liu ona tinan ruanulu no kooperasaun entre Timor-Leste no Tailansia, destaka kontribuisaun nasaun nee nian iha dezenvolvimentu nasional. Prezidente refere entre apoiu sira nee ezemplu, apoiu iha formasaun ba lider komunitaria iha area agrikultura, simu estudante universitariu Timoroan sira no apoiu makaas ba asesaun Timor-Leste nian ba ASEAN.
Prezidente remata hodi afirma katak asaun solidariedade nee hametin liutan lasu amizade no kooperasaun entre nasaun rua nian, iha altura ida neebe Timor-Leste no Tailandia besik ona atu selebra aniversariu ba dala-25 iha estabelesimentu relasaun diplomatika.
Nunee mos Embaixador Tailandia ba Timor Leste, Antipat Rohanapaibulya hatutan atividade ohin ho volutariu fahe aihan hodi selebra aniversariu Majestade Liurai Maha Vajiralongkorn nia aniversariu ba dala 74.
“Atividade voluntariu hodi selebra okaziaun auspisiozu aniversariu Sua Majestade Liurai nian iha loron 28 fulan-Jullu tinan 2026,” dehan Embauxador.
Embaixada Tailandia iha Dili organiza atividade voluntariu ida iha komemorasaun ba okaziaun auspisioz aniversariu Sua Majestade Liurai nian iha loron 28 fulan-Jullu tinan 2026, hodi fornese almosu nutritivu ba labarik eskola sira iha ambitu “Dapur ba Povu” (Kitchen ba Povu) Programa Nutrisaun ba Povu iha Kantina, Prezidensial, Kantina Palasiu.
Programa nee hetan inaugurasaun husi Prezidente Jose Ramos Horta iha Dezembru 2022. Embaixada hamutuk ho Komunidade Tailandia mos entrega sasan esensial sira hodi apoia Programa nia esforsu iha promosaun nutrisaun diak entre labarik no foin sae Timoroan sira. Prezidente Ramos-Horta ho laran-diak hamutuk ho atividade voluntariu ida nee iha okaziaun diak ida nee no espresa nia apresiasaun ba komunidade Tailandia nia apoiu kontinua ba Programa ida-nee.
(eme)
