DILI, STLTIMORLESTE.com – Reprezentante Ministru Agrikultura, Pekuaria Peskas no Florestas (MAPPF) atual Sekretariu Estadu Peskas (SEP), Domingos da Conceicao dos Santos husu Kargu Xefia hamutuk 182 neebe ohin simu tomada de pose halao servisu ho responsabilidade hodi servi nasaun no ministeriu.
Iha serimonia tomada de pose nee partisipa husi Sekretariu Estadu Florestas (SEP), Fernandinho Viera da Costa, Sekretariu Estadu Pekuaria, José Viera de Araujo, repzentante husi Komisaun Funsaun Publika.
Nia dehan, iha instituisaun estadu iha mudansa akontese maibe la permanente iha ema ida, sirkulasaun ka rotasaun kada Diresaun balun tun balun sae, nee obrigasaun instituisaun sira bazeia ba observasaun no monitorizasaun ba kada individu sira neebé mak kontribui nia kapasidade profisional iha diresaun ka fatin neebé halo servisu ba, planu sira nee husi ministeriu no superior neebé tutela mak halo, tanba liu husi observasaun ema idak-idak nia servisu durante nee halao ba.
Kargu Xefia nee total 182 kompostu husi feto nain 36 no mane nain 146, kargu Xefia la signifika katak ema servi imi maibe knaar neebe hetan nee akompanha imi, soborinadu sira fo orientasaun konkretu tenke sistematiku atu bele dignifika servisu sira bele profisionaliza kareira neebe hetan ho diak, kredebilidade, responsabilidade no kualidade nee ensial.
“Hau rejista iha hau nia fuan katak hau mai atu responsabilidade knaar neebe hau simu, knaar todan hau tenke responsabiliza ho masimu ho kualidade, maibe fuan deit mos la too, imi nia liman la halo servisu hanesan deit, liman mos tenke book aan, so ida nee mak kompleta mehi neebe mak ita hakarak, nasaun nia hakarak no instituisaun nia hakarak, ida nee mak ita korajen atu fo resposta,” hatete repzentante MAPPF atual Sekretariu Estadu Peskas, Domingos da Conceição dos Santos iha ambitu tomda de pose ba Kargu Xefia iha Uma Adat MAPPF Comoro, Kuarta (9/07/2026).
Tanba nee konfiansa membru governu nian diriji ba Kargu Xefia sira, konfiansa implementasaun servisu asesu husi imi, ami mos la husik hela atu observa movimentu servisu tantu iha terenu no instituisaun nia laran.
“Ami nain 4 presiza ema lubuk ida atu servisu hamutuk ho ami nain 4 deit laiha servisu barak no todan ema lubuk labele rezolve, maibe servisu ema hotu -hotu nia kontribuisaun bele rezolve, laos ami mesak servisu maibe presiza duni lubuk ida atu kontribui.
Sekretariu Estadu Florestas (SEP), Fernandinho Viera da Costa hatete, loron nee halo tomada de pose nee baibain iha mudansa husi ministeriu nomos instituisaun publiku neebe kada tinan ida sei halo tomada de pose ba Kargu xefia sira.
Oinsa fo oportunidade ba ema hotu atu bele ho ninia kontribuisaun servisu nia dedikasaun tomak ba iha kargu xefia sira iha MAPPF nee.
“Kargu xefias neebe mak hanesan tutela ba iha kabas nia sai responsabilidade todan ba imi para atu bele utiliza hodi guia servi estadu no nasaun liu-liu ba povu Timor liu husi kompromisu juramentu neebe mak ema idak-idak hatoo, tanba juramentu ida neebe todan neebe implementa iha servisu loron-loron nuudar servidor estadu nian no MAPPF,” dehan Nia
Tanba nee oportunidade fulan neen nia laran tenke hatudu kompromisu dedikasaun tomak, enerjia hodi servi diak liu tan ministeriu nee.
(joa)
