DILI, STLTIMORLESTE.com – Prezidente Republika (PR), Jose Ramos Horta iha ona planu sei vizita rate eis Prezidente Republika Indonezia, Bung Karno, iha Jakarta.
Prezidente Republika Jose Ramos Horta ba jornalista sira iha salaun Prokurador Jeral Kolmera, Sesta (10/07/2026) hatete, nia iha planu tempu ruma sei vizita rate Prezidente Republika Indonezia dahuluk Koenoesastro Soekarno (Bung Karno) iha Jakarta Indonezia.
“Hau mak pesoalmente loron ruma hau fila ba Jakarta hau hatete tiha ona hau ba rate bung Karno nia, para presta omenajen ba nia nuudar ema ida uluk halo 50 no 60 grade figura ASEAN no figura mundial,” dehan PR Horta.
Prezidente Republika fo omenajen no hakruuk ba Militar indonezia, no sidadaun Indonezia neebe mate iha Timor no nia rate dadaun nee iha Seroza Santa Kruz, ida nee tanba funu nia hahalok tanba nee nafatin hakruuk ba sira, no hakruuk mos ba saudozu husi Timor neebe mate ba rai ida nee tanba konsikuensia funu.
“Ba hau militar Indonezia sira iha nee mate ona ita mos respeita, rate neebe iha nee ita hakruuk ba sira no ba sira nia klamar hadomi sira nia familia, tanba funu nunee desizaun ruma ema halo iha kotuk afeita ba ema barak inosente, omenajen no ondra ba ita nia heroi sira, ita nia vitima sira, estadu ida nee halo rai seluk lahalo hanesan ita halo,” dehan PR Horta.
Prezidente hatete rai seluk lahalo hanesan Timor halo, no Prezidente rasik koinese rai barak iha mundu, tanba nee husu atu nafatin respeita simeteiru Militar Indonezia nia neebe maki ha Timor Leste, tanba nee mak sidadaun Indonezia mos kontente haree Timor hatudu respeita ba sira. “Maibe nee hau husik ba buat ida privasidade, Ibu Megawati nia,” dehan Prezidente.
Aleinde nee iha loron Sesta eis Prezidente Republika Megawati Soekarnoputri mos halo vizita no presta omenajen ba sidadaun Indonezia neebe mate iha Timor Leste neebe hakoi iha Seroja Balide Santa Kruz Dili.
(eme)
