DILI, STLTIMORLESTE.com – Daudaun nee moras ISPA mak rejistu aas liu iha Sentru Saude Munisipiu Dili, kompostu husi sentru saude 5 iha periode segundu nian hamutuk 33,799.
Diretor Saude Munisipiu Dili, Mateus Pinto hatete, moras sira neebe rekolha iha parte segundu ba iha sentru saude 5 munisipiu Dili, hanesan baibain husi primeiru too mai parte segundu nafatin mak moras ISPA. Neebe parte primeiru nee iha trinta sinqu mill ( 35,000) no segundu tun ba trinta tres mill resin (rihun 33, 799). Depois tuir fali mak diaria iha parte primeiru nee iha sete mill (7000), mai iha parte segundu iha quatru mill (4000). Tuir fali moras seluk hanesan pneumonia, diaria ho raan.
Nia katak, atendimentu ba moras ISPA hanesan baibain no halo nafatin ba komunidade sira, tanba hatene tuir nia kauza nee oinsa, nee komunidade sira hatene.
“Ami husu nafatin ba komunidade sira atu prevene aan husi moras nee rasik. Uza maskra bainhira sai, fase hahan sira halo moos, fase liman no hamoos ambiente iha uma hun sira halo moos,” dehan nia ba jornalista sira iha nia knaar fatin, Bairo Formoza, Sesta ( 17/07/2026).
Nia haktuir, ISPA normalmente kauza mai husi rai rahun sira, nomos ho fuma. Situasaun neebe bele dehan kauza mos hanesan modo sira fase la moos. Nunee mos ho mudansa klimatika bele akontese mosu ISPA, haree ba la kleur udan no la kleur loron entaun kazu rai rahun no loron manas kauza neebe akontese ISPA kada fulan sae.
Tur nia, moras ISPA nee maioria mai husi idade labarik sira no ferik katuas. Ho numeru ISPA neebe sempre aas iha sentru saude sira, husu ba komunidade sira bainhira sai husi uma atu uza maskra. Iha fatin neebe saude liu haree, komunidade toba deit iha lona, ida nee mos kauza bele akontese ISPA.
Nia parte husu ba komunidade sira, bainhira senti moras hakbesik aan mai sentru saude uza maskra, fase liman no hamoos ambiente iha uma ninin sira tenke moos.
(dom)
