DILI, STLTIMORLESTE.com – Governu liu husi Ministeriu Petroleo Rekursu Minerais (MPRM) asina kontratu ho Kompanhia Fugro Singapura, atu halo levantamentu konaba Offsore ba esportasaun Gazodutu husi Greater Sunrise no Bayu Undang mai Timor Leste (TL).
Ohin momentu signifikativamente markante ba jornada TL nian, hodi lori Gas husi Greater Sunrise mai TL liu husi projetu TL Natural Gas – TLNG.
“Ita halo kontratu ho Kompanhia Fugro Singapura, Kompanhia neebe boot iha mundu, espesialidade halo survei jeofizika neebe hola parte husi prosesu estudu sira kondisoes neebé nesesariu atu bele estabelese rota konaba kadoras mai Natarbora,” hatete Ministru Petreoleo Reksuru Minerais (MPRM), Francisco da Costa Monteiro ba jornalista sira iha Gabinete MPRM Faról, Dili, Sesta nee (17/06/2026).
Haksolok halo kontratu ho Kompanhia Fugro Singapura Marina Pte Lte ba levantamentu Jeofiziku no 2D sismiku ho alta rezolusaun (2D High Resolution Seismic 2D-HRS) ba esportasaun Gazodutu Gás Greater Sunrise husi komponente kritiku ba projetu TLNG.
Esportasaun gazodutu gas sei liga kampu Greater Sunrise ba TL, hodi fornese enerjia neebe apoia projetu TLNG no kria oportunidade ekonómika neebe dura ba TL.
Tanba nee levantamentu nee reprezenta programa tekniku neebe krusiál ba esportasaun Gazodutu Gas husi Greater Sunrise, dadus husi levantamentu nee fornese infromasaun detalhu konaba tasi okos no sub-suprefisie neebe klean, presiza atu optimaliza rota gazodutu, apoia dezenhu enjenaria no asegura dezenvolvimentu gazodutu ho seguru, efisiente no tuir padraun internasionál, levantamentu ne’e mos sei identifika kondisaun tasi-okos no jeoperigu iha koridór gazodutu, hodi fornese fundasaun teknika ba etapa dezenvolvimentu gazodutu iha futuru.
Ministériu Petróleu no Rekursus Minerais nafatin kompromete atu mega projetu TLNG, inklui esportasaun Gazodutu Greater Sunrise no instalasaun downstream neebe transforma TL ba produtor Gas Natural Liquifeitu – GNL rejionál.
Tanba liu husi investimentu kontinua iha enjinaria, estudu tékniku no prátika internasional diak liu, MPRM estabelese baze ba projetu neebe lori empregu, hametin ekonomia nasional no maximiza valor husi rekursu petrolifera Timor Leste nian ba tempu naruk.
(joa)
