DILI, STLTIMORLESTE.com – Konselhu Ministru aprova ona projetu rezolusaun ida neebe aprezenta husi Ministru Administrasaun Estatál (MAE), Tomás do Rosário Cabral atu nomeia ponte Manatuto ho naran Monsenor Martinho da Costa Lopes.
“Konselhu Ministru aprova projetu rezolusaun Governu, aprezenta mos husi Ministru Administrasaun Estatal, Tomás do Rosário Cabral, neebe fo naran ba ponte Manatuto Monsenor Martinho da Costa Lopes,” haktuir nota komunikadu imprensa neebe STL asesu husi governu, Kuarta (22/07/2026).
Atribuisaun naran Monsenor Martinho da Costa Lopes nian ba ponte Manatuto nuudar omenajen justa ida ba figura ida neebe importante tebes husi rezistensia Timor-oan no sasin kristaun afavor ba justisa, dame no autodeterminasaun.
“Hodi prezerva nia legadu ba jerasaun atual no futuru, no mos asume knaar ida neebe importante tebes iha tempu bainhira halao serimonia trasladasaun ba Amu-lulik no Bispu saudozu sira,” sita komunikadu.
(alb)
