DILI, STLTIMORLESTE.com – Relasiona ho kazu asidente iha Rai-Kotu, dader maizumenus tuku 6:45 dader, iha kareta jeep kor mutin soke Inan Feto ida ho idade 74 lakon vida iha Aldeia Terra Santa, Suku Madohi, iha loron Sabadu foin lalais nee, kazu refere Polisia Nasional Timor Leste (PNTL) liu husi Komando PNTL Munisipiu Dili, aprezenta ona ba Ministru Publiku (MP).
Tuir Komandante Tranzitu Rodaviariu Munisipiu Dili, Superintendente Asistente Polísia Delfim da Silva hatete, kazu asidente trafiku neebe akontese iha Rai-Kotu, Suku Madohi, hodi halakon vida idoza ida ho idade 74, daudaun nee Komando PNTL Munisipiu Dili aprezenta ona ba MP.
“Ita iha asidente fatal ida akontese iha Rai Kotu, Suku Madohi nian, iha oras tuku :645 dadersan, iha asidente nee ita nia ferik ida ho idade 74 travesa dalan mak maluk ida hodi kareta soke too inan feto nee lakon vida,” hatete Komandante Tranzitóriu Rodaviariu Munisipiu Dili, Superintendente Asistente Polísia Delfim da Silva ba jornalista sira iha Komando PNTL Munisipiu Dili, Maukoli,” Segunda (26/07/2026).
Nia dehan, suspeitu neebe soke inan feton nee halai, maibe laos halai ba fatin seluk, nia rasik halai ba Polísia Militar.
“Nia halai tiha, entaun ita pasa informasaun sira, ikus mai nia ba entrega nia aan iha Polisia Militar, no lori fali mai ona, ita bolu fali falimilia vitima nee mai ho ida soke nian nee nia familia sira mos mai ona halo koordenasaun, depois oinsa sira bele apoiu ba iha serimonia funebre nian,” nia esplika.
Nia tenik, kazu neebe akontese trafiku neebe akontese iha Rai-Kotu nee Komando PNTL lori ona ba Ministeriu Publiku.
“Ohin dadersan ita lori ona ba MP, hein deiszaun sira, tanba nee mk ita soke nian nee ho nia familia sira koordenasaun ho familia matebian nian para orsida bele apoiu serimonia funebre, desizaun tomak iha MP,” nia informa.
Antes nee Xefe Aldeia Terra Santa, Sergio Manel da Costa Calao deklara, akontesimentu nee akontese iha loron Sabado (25/07/2026) dader mais menus tuku 6:45 ho balun, hodi rejulta vitima inan ferik ho idade 60 resin mate iha fatin, no kareta nee rasik halai lakon too agora.
“Akontesimentu nee akontese nee iha Sabado (25/07/2026) mais menus tuku 6:45 dader sai husi uma atu mai buka kaleng aat sira hodi atende ba uma laran,” nia Informa.
Nia koalia, kareta jeep ida kor mutin. Komunidade maioria la hatene hotu, teki-teki labarik sira atu sai mak hetan inan ferik nee toba hela iha estrada laran. Nee mak hodi bolu labarik joven sira mai haree, maibe kareta nee halai lakon liu tiha.
(jen)
