MANATUTO, STLTIMORLESTE.com – Primeiru Ministru (PM), Kay Rala Xanana Gusmão fo apresiasaun ba Murak Rai Timor Empresa Pública (MRT, E.P.), tanba Timor oan neebe ho matenek bele halao atividade Perfurasaun projetu mármore iha fatin We-uah, Aldeia Ilimanu, Suku Uma Kaduak, Postu Administrativu Lacló, Munisipiu Manatuto.
“Hau dehan tiha ona, hau la fo parabens, hau la fo obrigadu, maibe fo apresiasaun ba Murak Rai Timor, tanba imi matenek halo Perfurasaun projetu mármore,” hatete Primeiru Ministru (PM), Kay Rala Xanana Gusmão ba jornalista sira liu husu nia deskurus iha fatin perfurasaun projetu mármore iha fatin We-uah, Aldeia Ilimanu, Suku Uma Kaduak, Postu Administrativu Lacló, Munisipiu Manatuto, Sesta (07/08/2026).
Nia esplika, iha nee uluk kedas naran boot no kontente tebes ohin marka prezensa iha fatin atividade Perfurasaun projetu mármore no daudaun nee Timor oan rasik mak kaer atividade Perfurasaun projetu mármore.
“Agora ita haree sei halo Perfurasaun nee sai diak liu tan, bele sai ida nee no ida neeba hanesan esplika ona, klaru tuir atan nain nia hanoin,.kuandu ita komesa esplora minarai atu sai mármore atu sai osan mean ka atu saida deit, ita produs faan ona nee sei iha fundu minarai, tanba nee fundu minarai nee sei aplika liu-liu sei apoiu ba munisipal.
“Sei fo hodi fo ba Munisipiu hodi hadia dezenvolvementu ba ita nia rain ida nee, ita husu ba munisipiu perepara ba ida nee, hau husu labele hili malu arbiru, depois mai la hatene buat ida, depois yang penting manan osan lae yang penting nee servisu diak,”.nia Informa.
Nia deklara, hanesan Munisipiu Manatuto mak espolra ona, karik marmer ita uza ida nee, tanba nee laos faan deit, maibe produs lai mak foin faan, tanba nee ida nee sai fonte ba rekurusu ba munisipiu sira.
(jen)
