DILI, STLTIMORLESTE.com – Governu liu husi Ministeriu Saude (MS) ba hospital pediatria andar lima iha Hospital Nasional Guido Valadares (HNGV) konklui ona 98% ba kontrusaun.
“Ita nia hospital andar lima iha HNGV daudaun nee konklui ona 98% konstrusaun, agora daudaun faze ba instalasaun ekipamentu, tanba ita boot sira hatene instalasaun nee laos loron ida ka rua maibé nee presiza tempu,” Ministra Saude (MS), Elia A.A. dos Reis Amaral ba jornalista sira iha Palasiu Governu, Kuarta (12/08/2026).
Nia dehan, ekipa sira daudaun nee instalasaun ona ba ekipamentu hanesan eletrisidade, bee no sira seluk tan, nunee garante ba tinan naruk.
“Tanba nee ita hotu hein tinan nee ita sei halo inaugurasaun ba Hospital andar lima iha HNGV,” nia tenik.
Entretantu, konstrusaun edifisiu pediatria andar lima iha HNGV nee konstrui husi empreza China Civil Engineering Construction Corporation (CCECC) neebe Governu Konstitusional da-ualu (VIII) liu husi Ministeriu Saude kontrata ho orsamentu hamutuk milhaun US$ 9,5.
(jen)
