DILI, STLTIMORLESTE.com – Iha enkontru Kortezia Primeiru Ministru Kay Rala Xanana Gusmão ho Ministru Negosiu Estranjeiru no Komunidade Cavo Verde, Embaixador Manuel Amante da Rosa iha Palasiu Governu, reafirma kompromisu atu aprofunda relasaun amizade no parseria estratejika entre nasaun rua neebe iha rai lulik no istoria hanesan.
“Embaixador Cavo Verde, Manuel Amante da Rosa kontente tebes haree simbolu neebe reprezenta jerasaun tomak nia luta no jornada,” dehan nia ba jornalista sira iha Palasiu Governu, hafoin hasoru Xefe Governu Timor Leste, Tersa (18/08/2026).
Iha biban nee, Manuel Amante da Rosa konvida Primeiru Ministru (PM) Kay Rala Xanana Gusmão ho Sra. Fatima, oan feto Primeiru Ministru dahuluk nian atu halao vizita ofisial ba Cabo-Verde, atu vizita Cabo Verde hodi hametin tan ligasaun povu ba povu.
“Maski ita hasoru dezafiu ekonomiku sira hanesan resezaun, maibe reseisaun neebe ami hetan husi Cabo Verde maka harmonia tebes. Nee hatudu katak ita bele serbisu hamutuk ba benefisiu populasaun rua,” dehan nia.
Iha enkontru nee, parte rua diskute pontu importante 3 mak Formasaun Rekursu Umanu, Parte rua konkorda atu loke oportunidade ba formasaun iha area Hotelaria no Turizmu. Governu mos loke ona ofisialidade atu haruka sidadaun feto ba formasaun iha Praia, kapital Cabo Verde nian. Segundu maka Reforma Administrativa no Kooperasaun Juventude.
“Ami sei organiza enkontru ho joven sira hodi diskute kona ba reforma administrativa no partisipasaun iha dezenvolvimentu nasaun. Terseiru maka Transizaun Dijital, aspeitu ida neebe sai prioridade maka Transizaun Dijital,” afirma nia.
Iha enkontru nee, parte rua sei serbisu hamutuk atu forma tekniku sira hodi deskobre no implementa solusaun dijital neebe fo benefisiu ba servisu publiku. Enkontru nee mos hatoo disponibilidade atu selebra akordu kooperasaun foun iha tempu badak.
Iha biban nee, Primeiru Ministru Kay Rala Xanana Gusmão hatoo agradese ba apoiu no hospitalidade husi Governu no Povu Cabo Verde nian iha ambitu Kooperasaun Internasional.
(jos)
