DILI, STLTIMORLESTE.com – Edukasaun iha Timor Leste lao diak iha nivel global, maibe presiza prinsípiu forte hodi hatur objetivu no programa neebe klaru.
Lia hirak nee hatoo husi Dekanu Fakuldade Edukasaun no Humanidade iha UNTL, Teodoro Soares iha Kampus UNTL, Tersa (25/08/2026).
“Importante ba ita oinsá hatur prinsipiu forte ida dezenvolve elabora Ita ,ia objetivu Ensinu halo iha rai laran,” nia dehan.
Nia subliña katak prinsipiu fundamentál ba Edukasaun TL mak ukun rasik aan.
Tanba ne’e presiza introdus programa no atividade sira ne’ebé duni reprezenta realidade edukasaun iha rai laran.
“Se laiha prinsipiu problema atu ba los neebe, ida nee importante ba tuir tiha lao too klaran muda lao la diak muda,” nia hatete.
Nia dehan, globalmente edukasaun lao diak, TL sorte tanba ukun aan iha era milenium no era dijital, agora tama ona ba era AI.
Tanba ne’e ezije atu la’o lalais no adapta ba mudansa.
“Parseiru internasional governu servisu hamutuk liu-liu Ministeriu Edukasaun harii Edukasaun bazika ida neebe kualidade, harii ensinu ho kualidade,” nia esplika.
Maski nunee nia preokupa ho alokasaun orsamentu ba edukasaun neebe kada tinan too miloens ba leten.
Maski osan nee ba eskola iha territóriu tomak, maibe iha Dili rasik sei iha eskola balun ho kondisaun ladiak.
Nia husu atu Governu no parseiru sira kontinua servisu hamutuk hodi hadia kualidade edukasaun baze no sekundária kada tinan, atu nunee investimentu ne’e reflete duni iha kualidade eskola sira iha rai laran.
(joa)
