DÍLI, STLTIMORLESTE.com — Ekipa basquetebol femeninu Aligators derrota Lemocor ho rezultadu 64–38 iha Liga Basquetebol Timor-Leste 2026, depois de domina partida liuhosi ofensiva efetiva no arremesu pontus tolu.
Aligators hahú partida ho ritmu ofensivu ne’ebé forte no konsege aumenta vantajen pontus liuhosi movimentu ofensivu ne’ebé konsistente. Arremesu pontus tolu mos sai arma importante ba Aligators atu loke diferensa ho Lemocor.
Lemocor buka responde no hamenus diferensa pontus, maibé Aligators kontinua kontrola ritmu partida to’o sirena final, ho vantajen 26 pontus.
Durante partida, apoiantes sira iha Ginásio Dili kontinua fó animasaun ba jogadora sira. Ambiente iha pavilhaun mos sai animadu ho apoiu husi torçedores ba ekipa rua.
Treinador Aligators fó orientasaun no motivasaun ba jogadora sira atu mantein konsentrasaun, disiplin no aproveita oportunidade sira iha quadra.
Vitória 64–38 hatudu dominasaun Aligators iha partida ne’e, enkuantu Lemocor presiza hadi’a aspetu ofensivu no defensivu atu enfrenta partida sira tuirmai iha Liga Basquetebol Timor-Leste 2026.
(leo)
