DILI, STLTIMORLESTE.com – Ensinu Baziku Filial (EBF) Vila-Verde sei hato’o karta pedidu ba Servisu Edukasaun Munisípiu no Ministériu Edukasaun (ME), atu husu substituisaun ba profesores ne’ebé sei tama idade reforma.
Koordenadora Ensinu Baziku Filial (EBF) Vila-Verde, Josefina Maia ba STL iha nia fatin servisu, Tersa nee (15/09/2026) dehan, atualmente númeru profesores iha eskola sufisiente, maibé iha profesor ida ne’ebé sei tama idade reforma iha Janeiru 2027.
Nia dehan, antes profesor ne’e reforma, eskola sei hato’o pedidu atu koloka profesor foun ida hodi substitui nia, atu númeru professores iha eskola nafatin kompletu.
“Ami menus profesor, maibé depois de bolsa kandidatu, kuandu profesores sira liu hotu ona husi Ministériu no koloka mai, agora ami iha profesores nain 8 mak reforma. Tanba ne’e, ami halo kedas pedidu ba ME. Foin dadaun bolsa kandidatu nain 8 koloka mai iha nee, hodi taka fali fatin nain 8 ne’ebé reforma ona,” nia informa.
(jac)
