BAUCAU, STLTIMORLESTE.com – Jeneral Taur Matan Ruak hateten, uluk luta hasoru invazaun Indonézia tanba responsabilidade ba povu no nasaun, nune’e iha faze ukun aan hetan oportunidade tenke akompaña ho responsabilidade.
“Indonézia primeiru potensia militár iha Asean maibé ita hatudu milagre. Ita hili buat rua responsabilidade ou oportunidade. Oportunidade osan, feto no poder. Responsabilidade ba Nasaun no Povu,” hateten Taur iha Sentru Konvensoens Vila Antiga Baucau, Sesta (18/09/2026).
Iha prosesu luta libertasaun nasionál, mezmu ho ekipamentu militár modernu, maibé Timor manan, tanba sabedoria, patriotizmu no nasionalizmu ne’ebé Timor-Oan hatudu liuhusi responsabilidade ba Nasaun no Povu.
Maibé, iha tempu agora, ema barak liu haree oportunidade duké responsabilidade, no situasaun ne’e presiza muda hodi jerasaun ohin no aban bele fó kontribuisaun ba Nasaun.
“Ohin ukun-rasik barak mak hili oportunidade duké responsabilidade. Oportunidade iha ne’ebé nia iha ne’e, maibé nia haluhan tiha katak, se ema sira ne’ebé uluk luta hanesan mos ne’e la halo responsabilidade, Timor la sai Nasaun, no ohin ita hotu la goza rezultadu ne’e, parabens ba povu Timor,” Taur akresenta.
(tom)
