DILI, STLTIMORLESTE.com — STAE no CNE asina akta destrosaun material eleisaun hosi Eleisaun Prezidensiál, Parlamentár no Suku tinan 2022–2023, iha Salaun STAE, Caicoli, Dili, Sesta (18/09/2026).
Serimónia ne’e partisipa hosi Diretór Nasionál Interinu Sekretariadu Tékniku Administrasaun Eleitorál (STAE), Eduardo Casimiro de Deus; Diretór CNE, Adelino de Oliveira Vaz; Komandante Komandu Operasionál PNTL, Armando Monteiro; no reprezentante Ministériu Administrasaun Estatál (MAE), Merita Pereira da Cruz, nu’udar Xefe Gabinete.
Iha serimónia ne’e, Eduardo Casimiro de Deus hato’o ninia diskursu kona-ba asinatura akta destrosaun material eleisaun hosi prosesu eleisaun sira ne’ebé hala’o iha tinan 2022 no 2023.
Nia destaka importánsia prosesu destrosaun material eleisaun atu hala’o tuir prosedimentu ne’ebé aplika ba material sira ne’ebé uza ona iha prosesu eleitórál.
Iha biban ne’e, Diretór CNE, Adelino de Oliveira Vaz mos hato’o ninia diskursu kona-ba asinatura akta destrosaun material eleisaun.
Material ne’ebé tama iha akta destrosaun ne’e inklui material hosi Eleisaun Prezidensiál, Eleisaun Parlamentár no Eleisaun Suku ne’ebé hala’o durante tinan 2022 to’o 2023.
Serimónia ne’e mos partisipa hosi lider partidu polítiku sira, observadór nasionál no internasionál, PNTL, no reprezentante instituisaun relevante sira.
Asinatura akta destrosaun material eleisaun ne’e hala’o iha Salaun STAE, Caicoli, Dili, nu’udar parte hosi prosesu administrativu ne’ebé liga ho material eleisaun hosi prosesu eleitórál tinan 2022 no 2023.
(jen)
