DILI, STLTIMORLESTE.com – Prezidente Repúblika (PR), José Ramos-Horta simu renúnsia Dr. Francisco José Ly de Sousa Assis Nicolau hosi kargu vogal efetivu no nomeia Dr. José Augusto Fernandes Teixeira nu’udar vogal efetivu no Dr. Victor Manuel de Deus Maia nu’udar vogal suplente iha Conselho Superior da Magistratura Judicial (CSMJ).
Nomeasaun no simu renúnsia ne’e formaliza liuhosi Dekretu Prezidente Repúblika N.º 111/2026, ne’ebé datadu 18 Setembru 2026.
Bazeia ba dekretu ne’e, Prezidente Repúblika deside simu renúnsia Dr. Francisco José Ly de Sousa Assis Nicolau hosi kargu vogal efetivu iha CSMJ.
Iha tempu hanesan, José Ramos-Horta nomeia Dr. José Augusto Fernandes Teixeira ba kargu vogal efetivu hodi kompleta mandatu ne’ebé sei la’o.
Prezidente Repúblika mós nomeia Dr. Victor Manuel de Deus Maia ba kargu vogal suplente hodi kompleta mandatu ne’ebé sei hela.
“Prezidente Repúblika simu renúnsia Dr. Francisco José Ly de Sousa Assis Nicolau ba kargu vogal efetivu Conselho Superior da Magistratura Judicial,” hakerek iha dekretu ne’e, ne’ebé STL asesu iha Sesta kalan, 19 Setembru 2026.
Dekretu ne’e mós hatete katak Dr. José Augusto Fernandes Teixeira nomeia ba kargu vogal efetivu CSMJ atu kompleta mandatu ne’ebé sei la’o, enkuantu Dr. Victor Manuel de Deus Maia nomeia ba kargu vogal suplente atu kompleta mandatu ne’ebé sei hela.
(eme)
