DILI, STLTIMORLESTE.com – Kandidatu Polísia Nasional Timor-Leste (PNTL) ne’ebé la admitidu hasoru Juri Rekrutamentu iha Sentru Formasaun Polísia Komoro, Dili, Segunda nee (21/09/2026).
Sorumutu lidera husi porta-vós Tito Orleans Missa, ne’ebé admitidu, maibé hamriik atu husu klarifikasaun kona-ba kolega sira nia rezultadu.
“Hau admitidu, maibé labele husik kolega sira sai vítima. Hau hamriik atu defende sira nia direitu no buka justisa,” hatete Tito.
Nia hatete, enkontru ho ekipa juri nia objetivu atu rona esplikasaun kona-ba razaun balun kandidatu sira la hetan admisaun.
Tito konsidera nia prezensa hanesan esforsu atu defende interese lejítimu kandidatu sira, liuliu sira ne’ebé la konkorda ho rezultadu.
Enkontru ne’e mos involve Presidente Juri Rekrutamentu Kadetes PNTL, José Soares, ne’ebé esplika prosesu rekrutamentu tuir lei no regulamentu.
“Dokumentu balun tama husi odamatan, balun husi janela. Polísia nia oan deit, se nia oan deit, hakruk ba lei no Konstituisaun,” dehan José Soares.
José Soares afirma katak, laiha intervensaun ema li’ur iha prosesu rekrutamentu no nia prontu responsabiliza prosesu ne’ebé hala’o tuir regulamentu.
(jen)
