DILI, STLTIMORLESTE.com – Prezidente Repúblika (PR), José Ramos-Horta ho Laureada Nóbel ba Pás, Malala Yousafzai, diskute direitu feto no labarik iha iha Embaixada Timor-Leste ba ONU, iha Nova Iorke.
Enkontru ne’e fó oportunidade ba nobel ba pás na’in rua atu ko’alia kona-ba direitu feto no direitu labarik feto sira, liu-liu asesu ba edukasaun no protesaun ba sira ne’ebé iha situasaun vulnerável.
Iha enkontru ne’e, Malala Yousafzai husu Prezidente Repúblika atu kontinua promove, liu-liu liu husi diskursu ofisiál iha Asembleia Jerál ONU 2026, advokasia kona-ba protesaun ba feto no labarik feto sira ne’ebé vulnerável, espesialmente sira ne’ebé moris iha situasaun funu no krize umanitária.
Liu husi komunikadu ne’ebé STL asesu Kuarta (23/09/2026) hatete, Prezidente Repúblika, Ramos-Horta, hatudu nia kompromisu no responde pozitivu ba pedidu ne’e, hodi afirma katak sei kontinua uza forum internasionál sira atu promove protesaun ba feto no labarik feto sira ne’ebé kontinua moris iha situasaun vulnerável.
Prezidente mós enfatiza importánsia husi esforsu atu kombate malnutrisaun no asegura moris saudável ba labarik sira, inklui labarik feto sira.
Prezidente Repúblika mós hato’o nia apresiasaun ba Malala Yousafzai, Laureada Nóbel ba Pás 2014, tanba nia korajen no dedikasaun iha defende direitu labarik feto sira atu asesu ba edukasaun iha Paquistão.
Prezidente Ramos-Horta reafirma katak, Timor Leste sei kontinua fó apoiu ba atividade advokasia Malala Yousafzai no nia organizasaun, ho objetivu atu promove no defende direitu feto no labarik feto sira, inklui direitu fundamental ba edukasaun, protesaun no oportunidade hanesan.
Prezidente Ramos-Horta responde pozitivu ba pedidu ne’e no reafirma nia kompromisu atu uza foruns internasionál hodi promove protesaun ba sira vulnerável. Timor-Leste sei kontinua uza forúns internasionál atu promove protesaun ba feto no labarik feto vulnerável.
Prezidente mós enfatiza importánsia esforsu hamutuk atu kombate malnutrisaun no asegura moris saudável ba labarik sira, inklui labarik feto.
(eme)
