DILI, STLTIMORLESTE.com – Komandante 1.ª Brigada Forsas Armadas Austrália, Brigadeiru Jenerál Rob Haertsch, vizita Centro Nacional Chega! I.P. (CNC), iha Balide, Dili.
Liu husi Komunikadu Impresa ne’ebe STL asesu iha media F-FDTL katak, iha vizita ne’e simu diretamente husi Diretór Ezekutivu CNC, Hugo Maria Fernandes, hamutuk ho ekipa Centro Nacional Chega! I.P.
Objetivu vizita nian mak atu fó oportunidade ba delegasaun Forsas Armadas Austrália atu komprende liután istória, luta no prosesu ukun-rasik-an Timor-Leste.
Durante vizita, delegasaun aprende kona-ba papel CNC iha preservasaun memória istórika no dokumentasaun kona-ba pasadu Timor-Leste.
(jen)
