DILI, STLTIMORLESTE.com – Prezidente Repúblika (PR), José Ramos-Horta hato’o diskursu iha Eventu Paralelu Nivel Aas iha UNGA ba dala 81 kona-ba Para Aleinde 2030 Renova Kompromisu Atu Halakon Pobreza iha Ninia Dimensaun Hotu.
Prezidente hato’o diskursu iha Eventu Paralelu Nivel Aas iha UNGA ba dala 81 kona-ba Para Aleinde 2030 ne’ebé hala’o iha sede Nasoins Unidas nian iha Nova Iorke. Eventu ne’e ho objetivu atu promove reflesaun kona-ba nesesidade atu hafoun no hametin kompromisu internasionál atu halakon kiak liu tinan 2030, hodi tau kiak multidimensionál iha sentru prioridade dezenvolvimentu futuru nian.
Eventu ne’e ko-organiza hosi Reinu Bhutan, Komisaun Ekonómika no Sosiál Nasoins Unidas nian ba Ázia no Pasífiku (ESCAP), no Rede pare sobre Pobreza Multidimensionál (MPPN), ne’ebé nia Sekretariadu bazeia iha Oxford ba Kiak no Dezenvolvimentu Umanu (OPHI) iha Universidade Oxford.
Sesaun ne’e modera husi Sabina Alkire husi Oxford ba Kiak no Dezenvolvimentu Umanu (OPHI), no Adriana Conconi, Diretora husi Rede pare sobre Pobreza Multidimensionál (MPPN). Sesaun ne’e halibur hamutuk Xefe Estadu no Governu, ofisiál seniór governu, líder husi organizasaun internasionál, no parseiru dezenvolvimentu sira, hodi fornese plataforma ida atu fahe esperiénsia nasionál sira no diskute aprosimasaun multidimensional hodi kombate kiak, rezolve ninia kauza sira, no garante katak laiha ema ida maka husik hela iha kotuk.
Oradór sira ne’ebé destakadu inklui S.E. Tshering Tobgay, Primeiru-Ministru Bhutan, S.E. Armida Salsiah Alisjahbana, Sekretária Ezekutiva, Komisaun Ekonómika Nasoins Unidas nian ba Ázia no Pasífiku, S.E. José Ramos-Horta, Laureadu Nobel ba Pás no Prezidente Repúblika Demokrátika Timor-Leste, S.E. Juan Manuel Santos, Eis-Prezidente Kolómbia, fundadór MPPN no Prezidente ba Anciãos. S.E. Shisir Khanal, Ministru Negósiu Estranjeiru, Nepal, S.E. Carlos Antonio Mendoza Alvarado, Sekretáriu Planeamentu no Programasaun Prezidénsia, Guatemala, S.E. Kitila Alexander Mkumbo, Ministru Estadu Planeamentu no Investimentu, Tanzánia, S.E. Denny Abdi, Vise-Ministru Negósiu Estranjeiru ba Asuntu Multilaterál, Indonézia, Sr. Sergio Colina Martín, Diretór-Jerál ba Polítika Dezenvolvimentu Sustentável, Ministériu Negósiu Estranjeiru, España.
Nomos Sra. Cataleya ba Phatoomros, Vise-Diretora-Jerál Departamentu Organizasaun Internasionál, Tailándia, r. Ziggy Adam, Diretór Departamentu Hamenus Kiak, Seychelles.
Prezidente Ramos-Horta subliña Timor-Leste nia evolusaun dezde restaurasaun independénsia iha tinan 2002, hodi destaka progresu klean ne’ebé alkansa iha dékada rua ikus ne’e.
(eme)
