DILI, STLTIMORLESTE.com — Matebian manan Daçuate 3–1 no hakat ba final Liga Voleibol Timor-Leste Segunda Divizaun 2026, hodi hakat ba final.
Partida kuartu final ne’e hala’o iha Ginásio Dili, Kinta (25/09/2026), ho Matebian hatudu dominasaun liuhusi servis, passing, smesh no blok.
Matebian manan set dahuluk ho rezultadu 25–20, depois kontinua domina set daruak ho rezultadu 25–23.
Iha set datoluk, Daçuate aumenta presaun no halo defeza metin. Esforsu ne’e lori Daçuate manan set ho rezultadu 25–21.
Rezultadu set datoluk halo skor muda ba 2–1, ho Matebian nafatin lidera partida no presiza manan set ikus.
Iha set ikus, Daçuate marka pontu uluk. Maibé, Matebian kontinua luta no konsege manan ho rezultadu apertadu 29–27.
Ho vitoria 3–1, Matebian garante vaga ba final Liga Voleibol Timor-Leste Segunda Divizaun 2026 no sei hasoru Choque.
Durante partida, apoiantes husi ekipa rua marka prezensa iha Ginásio Dili no fó animasaun ba jogador sira.
Ambiente iha pavilhaun sai animadu tanba torçedores kontinua fó apoiu ba ekipa ida-idak durante partida.
(leo)
