DÍLI, STLTIMORLESTE.com — Atleta Timor-Leste Manuel Belo Amaral Ataide remata pozisaun sextu iha prova 800 metru mane Asian Games 2026.
Manuel Belo kompete iha heat datoluk prova 800m mane, ne’ebé hala’o iha modalidade Atletizmu Asian Games Aichi-Nagoya 2026, Japaun.
Iha heat refere, Manuel Belo remata pozisaun sextu ho tempu 1 minutu 58.62 segundu, no la konsege avansa ba ronda final prova 800m.
Atleta Timor-Leste ne’e kompete hamutuk ho atleta husi Qatar, Índia, Arábia Saudita, Nepal, Japaun no Mongólia iha heat datoluk.
Hassan Abdirahman Saeed husi Qatar manan heat ho tempu 1:49.32, tuir Krishan Kumar husi Índia ho 1:49.45 no Alyami Sami Masoud husi Arábia Saudita ho 1:49.56.
Manuel Belo Amaral Ataide antes ne’e mos reprezenta Timor-Leste iha kompetisaun internasionál, inklui Jogos Olímpicos Paris 2024 no kampeonatu Mundu Atletizmu.
Asian Games Aichi-Nagoya 2026 hala’o kompetisaun atletismo husi 23 to’o 29 Setembru, ho Timor-Leste partisipa liuhosi delegasaun atleta nasional.
(leo)
