LETEFOHO, STLTIMORLESTE.com – Xefe Estadu Maior F-FDTL Brigadeiru Jenerál José da Costa Soares “TRIX” partisipa iha abertura Formasaun Karáter ba turma daruak 2026 iha Letefoho, Ermera.
Liu husi Komunikadu Impresa ne’ebe STL asesu iha media F-FDTL katak, iha loron segunda (28/09/2026 iha formasaun ne’e ho tema “Dezenvolve Funsionáriu ho Karáter Forte no Integridade ba Dignidade no Imajen Instituisaun Estadu”.
Atividade ne’e nia objetivu mak dezenvolve kapasidade no karáter funsionáriu públiku, atu hala’o kna’ar ho disiplina, responsabilidade, respeitu no lealdade ba instituisaun.
Partisipante sira sei simu matéria no pratika kona-ba orden unida, mapeamentu, ezersísiu físiku no atividade seluk ne’ebé apoia dezenvolvimentu disiplina.
Partisipante sira mai husi Ministériu Justisa, Tribunal, PDHJ, Inspesaun-Geral do Trabalho (IGT) no Inspesaun-Geral do Estado (IGE).
Formasaun ne’e sei hala’o durante semana tolu, ho orientasaun husi instrutór sira husi FALINTIL-Forsa Defesa Timor-Leste (F-FDTL).
Serimónia abertura partisipa hosi Ministru Justisa Sérgio de Jesus Fernandes da Costa Hornai no Vise-Ministra Negósius Estranjeirus Jesuina Maria Ferreira Gomes.
Partisipa mós Xefe Estadu Maior F-FDTL Brigadeiru Jenerál José da Costa Soares “TRIX” no Deputadu Parlamentu Nasionál Antónia Verdial.
Prezidente Autoridade Munisípiu Ermera José Martinho Soares no Prezidente Komisaun Funsaun Públika Agostinho Letêncio de Deus mós partisipa.
Entertatu Autoridade Administrativa Letefoho, Xefe Suco sira, Komandante PNTL Letefoho, Diretór Sentru Saúde Letefoho no komunidade mós partisipa.
Formasaun ne’e espera kontribui ba dezenvolvimentu funsionáriu públiku atu sai profisionál, disiplinadu, responsavel no iha integridade.
Objetivu ikus mak hasa’e dignidade no imajen instituisaun Estadu, liuhosi servisu diak ba povu no nasaun.
(jen)
