DÍLI, STLTIMORLESTE.com – Eskola Ensinu Básico Caótico (EBC) Santa Bernadette Soubirous Aimutin, hahu halo rejistrasaun estudante foun ba ano letivu 2027 nian.
Informasaun ne’e hato’o husi Diretora EBC Sta. Bernadette Soubirous Aimutin, Me. M. Misella PRR ba STL iha Aimutin, Kinta (01/10/2026).
“Ami iha nee loke ona rejistrasaun komesa iha loron 21 Setembru too 31 Outubru 2026 nee etapa primeiru, ba etapa segundu komesa iha loron 9 Novembru too 19 Dezembru 2026,” hatete Me. Misella.
Me. haktuir, ba primeiru ano presiza dokumentus fotokopia sertidaun Batismu ka RDTL tahan tolu, fotokopia kaderneta eskola tahan tolu, foto koloridu 3×4 tahan tolu.
“Ba estudante foun feto kriteria iha aktu dokumentus nee map kor mean, mane aktu dokumentus kor azul,” nia hatete.
Ba estudante terseiru siklu setimu ano rejistu kriteria mak kaderneta kompletu ho numeru emis, fotokopia sertidaun Batismu ka RDTL tahan tolu no karta deklarasaun husi eskola anterior.
Ba estudante transferensia tenke lori dokumentus fotokopia kaderneta husi eskola anterior, karta transferensia, foto 3×4 tahan tolu no sertidaun Batismu ka RDTL.
“Ami nia tarjetu atu simu estudante foun iha primeiru ano simu 100 estudante, ba transferensia simu nain 30 too 50 ba primeiru no segundu siklu, ba terseiru siklu nain 100,” hatete Me.
Me. hatete, eskola hakarak eduka no forma estudante, sai ema matenek no diak.
“Ba estudante neebe hakarak mai estuda iha EBC Sta. Bernadette oinsa atu eduka sira no forma sira sai ema neebe matenek no diak karakter diak no moral diak maibe ho espiritualidade,” nia dehan.
Nia husu inan-aman fo fiar ba eskola atu eduka oan, oinsá bele forma no eduka imi sai ema neebe matenek iha Akademiku no forma karakter sai ema neebe diak iha futuru,” nia hakotu.
(joa)
