DÍLI, STLTIMORLESTE.com — Hong Kong China no Cambodia sei hasoru malu iha final FIFA ASEAN Cup Segunda Divizaun 2026.
Hong Kong China garante vaga final depois derrota Brunei Darussalam 2-0 iha jogu ikus Grupo A, ho lideransa pontu máximu.
Iha Grupo B, Cambodia garante vaga final depois empata 2-2 kontra Timor-Leste iha Kai Tak Stadium, Hong Kong, Kuarta-feira, 30 Setembru 2026.
Cambodia presiza pontu ida de’it atu garante vaga final. Empate 2-2 kontra Timor-Leste fó Cambodia pontu haat no lidera Grupo B.
Timor-Leste sai fula guarda rede Cambodia liuhusi João Pedro Freitas iha minutu 27. Cambodia responde lalais liuhusi Rafael Nieto iha minutu 28.
Cambodia aumenta vantajen liuhusi suta penalti iha minutu 38. Timor-Leste depois iguala rezultadu liuhusi Alexandro Corsino Lemos iha minutu 58.
Rezultadu 2-2 nafatin to’o remata partida, ho Timor-Leste remata fase grupu ho pontu ida.
Iha jogu abertura, Timor-Leste lakon 0-2 kontra Myanmar iha 24 Setembru 2026, antes empate ho Cambodia.
Timor-Leste tama Grupu B hamutuk ho Cambodia no Myanmar. Enkuantu Grupo A kompostu husi Hong Kong China, Laos no Brunei Darussalam.
FIFA ASEAN Cup 2026 mak edisaun dahuluk, ho seleksaun 14 fahe ba Segunda Divizaun rua. Vencedor kada grupu avansa ba final.
Final entre Hong Kong China no Cambodia sei hala’o Sábadu, 3 Outubru 2026, atu determina kampeáun Segunda Divizaun 2026.
(leo)
