DILI, STLTIMORLESTE.com — Atleta taekwondo Timor-Leste, Ana da Costa da Silva Pinto Belo, la avansa ba kuartu-final Asian Games 2026.
Ana Belo derrota 0–2 kontra atleta Japaun, Ruka Okamoto, iha ronda 16 kategoria feto -49 kg, Sexta-feira, 2 Outubru 2026.
Luta ne’e halao iha Aichi-Nagoya, Japaun, ne’ebé Okamoto sai vensedora ho rezultadu 2–0 no avansa ba ronda tuir mai.
Rezultadu ne’e halo Ana Belo remata nia partisipasaun iha prova taekwondo Asian Games 2026, depois de derrota iha ronda 16.
Okamoto kontinua nia kampaña to’o semifinal, maibé derrota 1–2 kontra atleta Filipinas, Tachiana Keizha Mangin, iha fase semifinal.
Ana Belo sai atleta taekwondo ida de’it ne’ebé reprezenta Timor-Leste iha Asian Games 2026, tuir informasaun Ministériu Juventude, Desportu, Arte no Kultura.
Delegasaun Timor-Leste ba Asian Games 2026 kompostu husi 13 atletas, ne’ebé partisipa iha modalidade desportu hitu.
Ana Belo iha esperiénsia internasionál, inklui partisipa iha Olympic Games Paris 2024, iha kategoria taekwondo feto -49 kg.
(leo)
