JAPAUN, STLTIMORLESTE.com — Timor-Leste remata Asian Games Aichi-Nagoya 2026 iha Japaun, ho rezultadu seidauk hetan medalha ida.
Asian Games Aichi-Nagoya 2026 hala’o iha Japaun, husi 19 Setembru to’o 4 Outubru, ho partisipasaun atleta husi nasaun Ázia.
Tuir rezultadu final, Timor-Leste rejista medalha 0 ouro, 0 prata no 0 bronze, no hamutuk iha pozisaun 41.
Timor-Leste fahe pozisaun ho Bhutan, Maldivas, Palestina no Yemen, ne’ebé mos remata kompetisaun ho medalha 0 ouro, 0 prata no 0 bronze.
Iha ASEAN, Tailândia lidera ho 18 medalha ouro, 13 prata no 21 bronze, total 52 medalha iha Asian Games 2026.
Indonézia hetan 5 ouro, 11 prata no 23 bronze, total 39 medalha, enkuantu Malásia hetan 9 ouro, 7 prata no 16 bronze.
Filipinas hetan 4 ouro, 9 prata no 16 bronze, total 29 medalha; Vietname hetan 3 ouro, 3 prata no 19 bronze.
Singapura hetan 2 ouro, 9 prata no 7 bronze, total 18 medalha, enkuantu Myanmar hetan total 5 medalha.
Cambodia hetan 4 medalha bronze, Laos no Brunei ida-idak hetan medalha bronze ida iha kompetisaun kontinentál ne’e.
Rezultadu Timor-Leste nian sai avaliasaun ba preparasaun atleta, qualidade treinamentu, esperiénsia kompetisaun internasionál no apoiu ba federasaun desportiva.
Nune’e, Timor-Leste presiza kontinua hadi’a preparasaun no sistema dezenvolvimentu atleta atu bele aumenta oportunidade hetan medalha iha kompetisaun internasionál sira tuirmai.
(leo)
