DILI, STLTIMORLESTE.com – Prezidente Repúblika (PR), José Ramos-Horta to’o iha Fiji simu ho parada militár iha aeroportu, hodi hahú vizita servisu.
Tuir komunikadu ne’ebé STL asesu, Tersa (06/10/2026), Xefe Estadu simu ho onra husi autoridade militár no reprezentante diplomátiku.
Parada militár ne’e lidera husi Brigadeiru-Jenerál Manoa Gadai, Komandante Komandu Forsa-Tarefa Konjunta RFMF, ne’ebé estasiona iha Kampu Blackrock, Nadi.
Iha akollimentu ne’e, prezente mos Ratu Inoke Kubuabola, Altukomisáriu ba Nova Zelándia, no Jackson Bernard Evans, Altukomisáriu ba Papua-Nova Guiné.
Chegada Prezidente Ramos-Horta marka inísiu ofisiál vizita serbisu ba Fiji no Tuvalu, ne’ebé hala’o husi loron 5 to’o 7 Outubru.
Vizita diplomátika ne’e sei fó oportunidade ba Timor-Leste atu hametin relasaun bilaterál ho nasaun insulár sira iha rejiaun Pasífiku.
Envolvimentu ne’e mos foka ba kooperasaun rejionál, liuliu iha área reziliénsia klimátika, dezenvolvimentu sustentável no solidariedade entre nasaun insulár.
Hafoin simu ho parada militár iha aeroportu, Prezidente Ramos-Horta sei partisipa iha serimónia akollimentu kulturál tradisionál.
Tuir ajenda, Primeiru-Ministru Fiji, Sitiveni Rabuka, sei oferese han-kalan ba Prezidente Ramos-Horta durante nia vizita iha Fiji.
Enkontru no atividade sira ne’e sei fó oportunidade ba diálogu informál entre lideransa Timor-Leste no Fiji.
Diálogu bilaterál ne’e importante atu hametin amizade no buka oportunidade foun ba kooperasaun entre nasaun rua.
Timor-Leste no Fiji iha interese komún kona-ba dezenvolvimentu sustentável no dezafiu sira ne’ebé hasoru nasaun insulár.
Alende ne’e vizita Prezidente Ramos-Horta ba Fiji no Tuvalu mos sei reflete Timor-Leste nia interese atu hametin relasaun ho nasaun sira iha Pasífiku.
Nasaun insulár sira enfrenta dezafiu boot husi mudansa klimátika, inklui aumentu nivel tasi, dezastre naturál no presiza adaptasaun sustentável.
Iha kontestu ne’e, Timor-Leste kontinua buka oportunidade atu partisipa iha diálogu rejionál no internasionál kona-ba interese nasaun insulár.
Kooperasaun ho nasaun Pasífiku bele envolve área klima, dezenvolvimentu, kultura, edukasaun, diplomásia no interkámbiu esperiénsia entre povu sira.
Durante vizita, lideransa Timor-Leste sei iha oportunidade atu fahe perspetiva kona-ba prioridade dezenvolvimentu no interese nasaun nian.
Vizita ba Fiji no Tuvalu mos reforsa esforsu diplomátiku Timor-Leste nian atu hametin relasaun ho nasaun insulár iha Pasífiku.
(eme)
