DILI, STLTIMORLESTE.com — FALINTIL-Forsa Defeza Timor Leste (F-FDTL) sosializa Regulamentu Disiplinar Militár (RDM) no dadus pesoal iha Dili.
Tuir komunikadu imprensa F-FDTL ne’ebé STL asesu, atividade ne’e hala’o iha Auditorium Kuartel Jenerál F-FDTL, Fatuhada, Dili, ho objetivu fahe informasaun kona-ba RDM.
Atividade ne’e hala’o iha Tersa, fulan Outubru 2026, no envolve Xefe Estadu-Maior Jenerál F-FDTL, Tenente Jenerál Domingos Raul “Falur Rate Laek”.
Ekipa Justisa Militár aprezenta matéria kona-ba RDM, enkuantu Divizaun Pesoal no Divizaun Komunikasaun aprezenta matéria kona-ba dadus pesoal.
Sosializasaun ne’e mos aborda Sistema Teknolojia Informasaun, ne’ebé konsidera importante ba jestaun dadus no servisu administrativu iha F-FDTL.
Serimónia ne’e partisipa Vise-Xefe Estadu-Maior Jenerál F-FDTL, Major Jenerál Calisto Santos “Coliati”, no Xefe Estadu-Maior F-FDTL, Brigadeiru Jenerál José da Costa Soares “TRIX”.
Komandante Komponente no Unidade, ofisiál superior, kapitaun no ofisiál subalternu sira mos partisipa iha atividade sosializasaun ne’e.
(jen)
