DILI, STLTIMORLESTE.com — Primeiru-Ministru (PM), Kay Rala Xanana Gusmão loke diretamente Liga Voleibol Timor-Leste Primeira Divizaun, 7.º Époka 2026, iha Ginásiu Dili, segunda-feira, 12 Outubru 2026.
Kompetisaun ne’e partisipa hosi ekipa hamutuk 15, kompostu hosi ekipa mane na’in 8 no ekipa feto na’in 7, atu disputa iha liga voleibol nasionál ba épo ka 2026.
Iha kompetisaun feto, ekipa sira ne’ebé partisipa mak ADR União, Choque, Fitun Lorosae, Assalam, Kablaki, AD SLB no Julitoni.
Enkuantu, iha kompetisaun mane, ekipa na’in 8 ne’ebé partisipa mak AD SLB, Choque, Bandido Qualidade, Julitoni, K-Link, Matebian, Daçuate no Aby Travel.
Iha serimónia abertura, Primeiru-Ministru Xanana Gusmão hala’o abertura ofisiál, hamutuk ho Ministru Juventude, Desportu, Arte no Kultura, Nélio Isac Sarmento, Prezidente Konsellu Desportu Timor-Leste, Afrânio Xavier Amaral, Komandante Jerál PNTL, Komandante UEP no reprezentante federasaun desportiva sira.
Jogu dahuluk ba kompetisaun feto hala’o entre AD SLB kontra Julitoni. Enkuantu, iha kompetisaun mane, AD SLB hasoru Bandido Qualidade, ne’ebé marka inísiu kompetisaun Primeira Divizaun Époka 2026.
Liga Voleibol Timor-Leste Primeira Divizaun 7.º Époka 2026 ne’e sai plataforma importante ba ekipa sira atu hatudu sira-nia kapasidade, aumenta esperiénsia kompetisaun no promove dezenvolvimentu desportu voleibol iha Timor-Leste.
(leo)
