BAUKAU, STLTIMORLESTE.com – Aban 24 Marsu 2025, Ministeriu Solidariedade Sosial no Inkluzaun (MSSI) liu husi Banku Nasional Komersiu Timor Leste (BNCTL – sigla português) sei atribui direitu pensaun sosial ba benefisiariu idozu no invalides sira iha Munisipiu Baukau.
Tuir lista neebe Koordenador Institutu Nasional Seguransa Sosial, Munisipiu Baukau, Gil Ximenes Gusmão relata ba STL katak, benefisiariu idozu no invalides neebe asesu pagamentu retroativu Marsu nee ba faze dahaat tinan 2024 no faze dahuluk tinan 2025 nian, neebe iha Munisipiu Baukau rejistu hamutuk 15.399 no hetan alokasaun orsamentu husi MSSI hamutuk US$ 5,897,858.00 ba benefisiariu sira iha Postu Administrativu Ualu.
Benefisiariu idozu no invalides iha Postu Baguia rejistu hamutuk 1.575 neebe aloka orsamentu hamutuk US$ 680,840.00, Baukau Vila 4978 ho US$ 1,410,898.00, Laga 2118 ho US$ 914,900.00, Kelikai 1107 ho US$ 473,428.00.
Postu Vemasi iha benefisiariu idozu no invalides hamutuk 1.037 neebe aloka orsamentu US$ 435,440.00, Venilale 2311 US$ 1,019,120.00, Matebian 819 ho US$ 362,932.00, enkuantu Postu Kelikai Antigo iha idozu no invalides hamutuk 1.454 ho alokasaun orsamentu US$ 600,300.00.
Husi numeru benefisiariu 15.399, mane atinji 57% no feto 43%, neebe idozu hamutuk 13.696 atinji 89%, husi idozu refere tuir kategoria idade 60-69 hamutuk nain 5.609, idade 70-79 nain 5.347 no idade 80 ba leten nain 2.740, enkauntu invalides hamutuk 1.703 atinji 11%.
Invalides hamutuk 1.703 atinji 11% refere, rejistu iha Postu Administrativu Baguia nain 53, Baukau Vila 552, Laga 82, Kelikai 218, Vemasi 87, Venilale 140, Matebian 60 no Kelikai Antigo nain 551.
Enkuantu idozu hamutuk nain 13.696 ho atinjimentu 89% refere, rejistu iha Postu Administrativu Baguia hamutuk 1.522, Baukau Vila 4.426, Laga 2.036, Kelikai 889, Vemasi 950, Vemasi 2.171, Matebian 759 enkuantu Kelikai Antigo 943.
Nunee mos Koordenador Instituto Nasional Seguransa Sosial, Munisipiu Baukau, Gil Ximenes Gusmão relata, orariu pagamentu ba idozu no invalides sira neebe prepara husi BNCTL katak, sei hahu iha loron 24 too 25 Marsu 2025 kobre benefisiariu sira husi Suku 15 iha Postu Kelikai, Matebian no Kelikai Antigo.
Loron 26 kobre Suku 10 iha Postu Baguia, loron 27 kobre Suku sia iha Laga, loron 28-31 kobre Suku 13 iha Baukau Vila, loron 01 Abril kobre Suku ualu iha Venilale no loron 02 Abriil 2025 sei remata iha Postu Administrativu Vemasi neebe sei kobre Suku hitu.
Entretantu pagamentu retroativu ba idozu no invalides ba faze dahaat tinan 2024 no faze dahuluk tinan 2025 nian sei realiza iha nivel Suku 62 tuir fatin neebe determina ona.
(tom)
