DILI, STLTIMORLESTE.com – Aban (08/11/2024) Ministeriu Edukasaun (ME) sei fo tomada de pose ba kolokasaun profesores foun faze datolu hamutuk 467.
Lia hirak nee hatoo husi Diretor Rekursu Umanu iha ME, Anita Tavares Ribeiro de Jesus ba STL iha nia knaar fatin Vila Verde, Kinta nee (07/11/2024).
“Aban ita sei halao serimonia tomada de pose ba ita nian profesores foun, neebe ita sei koloka faze datolu nian, neebe mak aban ita sei halo tomada de pose ba sira. Sira nee ita sei koloka ba iha 13 Munisipiu inklui RAEOA, no iha serimonia nee mos ita sei koloka mos ita nian profesores ba pre eskolar nian hamutuk 28, nee ita nian profesores neebe mak iha faze primeiru nian, neebe ita seidauk halo kolokasaun, aban mak ita foin koloka dala ida,” dehan nia.
Anita dehan, profesores 467 neebe mak aban simu tomada de pose nee, sira nian valor 66 too 68, husi numeru nee koloka barak liu iha Munisipiu Dili, depois mak Munisipiu sira seluk tan.
(jac)
