DILI, STLTIMORLESTE.com – Jogu abertua Voli Praia abertura iha edisaun Domingu (20/07/2025), ekipa feto nian Portugal VS Timor Leste ho rezultadu valor 54 : 49, tanba nee Portugal mak manan. Aleinde nee iha ekipa mane nian Portugal VS Cabo Verde ho rezultadu valor 42 : 22. Tuir mai ekipa feto husi Cabo-Verde VS Moçambique ho rezutadu 54 : 48, ekipa mane Angola VS Moçambique rezultadu valor 42 : 13.
Tuir Jaime Pinto Madeira nuudar Ofisiais Voli Praia ba STL iha Kampu Voli Praia tasi ibun Lesidere Dili Domingu (20/07/2025) dehan, ohin iha jogu 6, jogu iha dadersan iha jogu 4 kompostu husi ekipa Feto Portugal hasoru Timor Leste, Portugal mak manan ho valor 54 no TL hetan valor 49 kompostu husi Skor Set I, Portugal halibur Valor 21 no TL halibur Valor 16, iha Skor II, lidera husi TL ho Valo 21 no Portugal halibur valor 18 no iha Skor Set III, Portugal mak lider ho skore Set 15 no TL, hetan valor 12, ho nunee, ninia rezultadu ikus, Portugal maka manan ho Valor 54 no TL hetan Valor 49.
Ba ekipa mane nian, Portugal VS Cavo Verde, Portugal mak manan ho valor 42 no Cavo Verde hetan valor 22, kompostu husi skor set I, Portugal Lidera ho valor 21 no Cavo Verde halibur valor 12, iha skor Set II, Nafatin Portugal maka lidera ho valor 21 no Cavo Verde halibur deit valor 10.
Iha okaziaun nee mos Jogu husi Ekipa Feto, Cavo Verde VS Moçambique, Ekipa Mocambique mak lidera ho valor 58 no Cavo Verde hetan valor 48 kompostu husi Skor Set I, Cavo Verde lidera ho Valor 24 no Mocambiqur hetan valor 22, Iha Skor Set II, lidera husi Mocambique ho valor 21 no Cavo Verde hetan deit Valor 11, iha Skor Set III, Nafatin lidera husi Mocambique ho valor 15 no Cabo Verde halibur deit valor 13, nunee rezultadu ikus husi Ekipa Feto Mocambique.
Iha Voli Mane, Ekipa husi Angola VS Moçambique, jogu ida nee lidera husi Mocambique ho valor 42 no Angola halibur deit valor 13, kompostu husi Skor Set I, Mocambique Lidera ho valor 21 no Angola halibur Valor 9, iha Skore set II, Ekipa husi Moçambique kontinua lidera ho valor 21 no Angola halibur deit Valor 4, nunee la bele hakat tan ba Skor Set III tanba jogu Skor I no II, lidera husi Moçambique ho total valor 42 no Angola halibur deit valor 13.
Jogu sei iha lokraik, iha jogu 2 husi Voleibo Praia Mista Cabo Verde VS Mocambique no mista husi Portugal VS TL, mista nee katak feto mane kahur malu.
“TL ohin derota ho Portugal iha Voli Praia, ba hau sente konntente tanba Timor oan sira jogu, diak tebes-tebes, sira laos derota deit, maibe labarik sira ho idade 16, defende sira nia rai no sira lakon ho 2-1, maibe ho pontus ida nebe mak makaas tebes-tebes. Joga neebe mak maluk Timor oan sira joga nee mos joga ho kapas tebes-tebes, maske sira lakon maibe halo jogadores husi Portugal mos araska teb-tebes,” dehan Ofisiais Voleibol Praia TL, Jaime.
Nia dehan, jogus Desportu CPLP nee, jogu amizade entre foin sae sira husi nasaun hirak neebe koalia lian Portugues, foin primeirabes TL simu jogus Internasional iha TL, maibe Timor oan sira hatudu rezultadu jogu neebe ke diak, atende ema mos ho diak no sempre fo esperitu diak ba nasaun membru CPLP neebe maka mai tuir eventu Internasional Jogus Desportu CPLP iha TL.
“Timoroan joga Voli Praia nee barak tebes-tebes, maibe jogu ida nee ba labarik sira ho idade 16 deit, maka sira seluk labele kompete, karik aban bainrua loke jogu ba Sub-17, Sub, 19 ou Sub-20, seluk-seluk bele tuir, maibe ida nee fo prioridade ba labarik sira ho idade 16 deit, maibe joventude hotu-hotu neebe maka iha talentu ba iha jogu Voli Praia iha TL sira sempre marka prezensa iha tasi ibun bainhira ami kuandu fo ona treinamentu foun, sira bele partisipa. Dadauk jogador Voleibol Praia mane, barak liu husi Dili maibe jogador Voleibol Praia Feto mai husi Munisipiu Baukau,” dehan nia.
Kona-ba ekipamentus neebe halao iha Voli Praia iha Tasi ibun, Lesidere Dili iha jogu abertura, buat hotu lao diak. Serbisu neebe ekipa sira halo iha fatin nee, buat hotu lao diak, problema la iha.
(jos)
