DILI, STLTIMORLESTE.com – Asosiasaun Kuidadu Emerjensia Kritiku (ACEC) halo lansamentu ba livru ho titulu Dari Mana Obat Berasal Untuk Timor Leste, iha Timor Plaza, Díli.
Presidente Asosiasaun Kuidadu Emerjensia Kritiku, Francisco Borges hatete, livru ho titulu Dari Mana Obat Berasal Untuk Timor Leste nee bele sai hanesan mata dalan ida ba ema hotu-hotu, liu-liu ba estudante sira neebe eskola kona-ba saude.
“Ita agradese tebes tanba primeira ves ita hakerek livru ida nee, livru ida nee sai hanesan mata dalan ida ba ita hotu-hotu, liu-liu ba estudante sira neebe eskola kona-ba saude,” hatete Francisco Borges ba jornalista sira iha Timor Plaza, Díli, Sesta (08/11/2024).
Nia esplika, livru ida nee ho objetivu ida atu oinsa bele servisu hamutuk ho governu, hodi hadia problema sira neebe agora saude enfrenta hela.
Iha fatin hanesan, Visi Ministru Saude Asuntu Operasional Hospitál, Flavio Brandão Mendes esplika, Ministeriu Saude (MS) agradese tebes ba ACEC, neebe iha inisiativa atu servisu hamutuk ho governu hodi rezolve probelma neebe mak agora daudaun saude enfrenta hela.
“Ministeriu Saude senti kontenti tebes, tanba ACEC iha inisiativa hakerek livru ida nee, fiar katak liu husi livru ida nee bele ajuda ita atu bele servisu hamutuk hodi hadia buat sira neebe naksalak iha Saude nian,” nia dehan.
(jen)
