DILI, STLTIMORLESTE.com – Loron dahuluk IX Governu Konstitusional ho Parlamentu Nasional (PN hahu halao debate jeneralidade ba proposta Orsamentu Jeral Estadu (OJE) 2025, enkuantu kona-ba proposta alterasaun hein espesialidade.
Visi Ministru Asuntu Parlementar (VIMAP), Aderito Hugo hatete, ohin Primeiru Ministru depois de halo submisaun proposta OJE 2025 mai PN iha loron 1 Outubru no PN halo ona audensia publiku husi komisaun sira membru governu sira, no innstitutu direta no indireta ba estadu nian, inklui mos Prezidente Autoridade Munisipiu sira no RAEOA.
Tanba nee, sekuensia tuir mai depois audensia publiku, rezulta paraser ida neebe Komisaun C aprezenta hamutuk mos ho komisaun espesializada sira seluk hodi lee sai hotu, neebe iha leitura ba relatoriu husi Komisaun C, neebe reprezenta PN refleta asuntu sira neebe aprezenta ona, tanba nee sesaun tuir mai halo apresiasaun, tuir guiaun neebe aprova ona.
“Debate jeneralidade durante loron 3, hahu ohin sei too Sesta, nunee taka ho votasaun jeneralidade, nunee tama ba situasaun tuir mai mak iha diskusaun espesialidade durante loron 7, neebe jeneralidade hotu, ema hotu hatene ona proposta alterasaun sira husi Deputadu sira”, katak Visi Ministru Asuntu Parlementar, Aderito Hugo ba jornalista sira iha PN, Kuarta (06/11/2024).
Nia dehan, ohin seidauk hatene proposta hira mak Deputadu ho Komisaun sira atu aprezenta ba alterasaun, maibe iha audensia publiku nee la rejista pontus prinsipais sira, maibe iha duni pontus balu neebé importante Komisaun C nian mak kona-ba ezekusaun, tanba iha linhas ministeriais no entidade balu ezekusaun zero, balu iha ezekusaun 50% mai kraik.
Neebe ba entidade neebe mak ezekusaun zero, née tanba relatoriu la aktualiza iha sistema, hanesan husi Seguransa Sosial iha Ministeriu Interior Solidaridade Sosial nian, nunee mos iha instituisaun balu mos ezekusaun zero, maibe sira sei halo esplikasaun detalha, nunee mos PM atu koalia kona-ba pontu, mas situasaun saida mak numeru masimu no balu ezekusaun zero hela.
Tuir nia, ezekusaun OJE 2024 nian iha ona 50%, maibe ho kompromisu sira sei too 60% resin.
(gui)
