HANOI, STLTIMORLESTE.com – Iha jogu primeiru Grupu A – ASEAN Championship 2024 entre Timor Leste kontra Tailandia, neebe realiza iha Estadiun Hangday, Hanoi, Vietnam iha Domingu (8/12/2024), Timor Leste lakon ho skor neebe boot tebes 0-10 husi Tailandia.
Marka golu husi ekipa Tailandia husi Jogador B. Davis iha minutu 4 ho minutu 32, P. Gustavsson iha 17, S. Mueanta iha minutu 28 ho minutu 54, S. Ratree iha minutu 56 ho minutu 61, T. Poeiphimai iha minutu 79 ho minutu 90 + 2, no ikus N. Mickelson iha minutu 90 + 3.
Ho rezultadu nee hatudu sinal ladun diak ba ekipa Timor Leste, Timor Leste seidauk bele kompete ho nasaun sira seluk iha Sudezte Aziatiku liu-liu nasaun boot sira hanesan Tailandia (Defending Champion), Indonezia, Vietnam no Malazia. Iha aspeitu barak neebe Futebol Timor Leste tenke hadia no sai mos hanesan reflesaun ba Federasaun Futebol Timor Leste (FFTL). Rezultadu nee mos provizoriu lori Timor Leste iha pozisaun ikus iha Grupu A.
Iha loron Kuarta (11/12/2024), ekipa Timor Leste sei hasoru ekipa nasional Malazia neebe sei realiza iha Estadiun Bukit Jalil, Malazia. Timor Leste iha Grupu A hamutuk ho Tailandia, Malazia, Singapura, no Kamboja.
EKIPA STL
